Elordada 8 tamyz ben 8 qyrkúıek aralyǵynda qala aýmaǵynda quqyq buzýshylyqtyń aldyn alý jáne eskertý maqsatynda «Ýchaske» jedel aldyn alý is-sharasy ótip jatyr. Bul týraly PD baspasóz qyzmeti málimdedi, dep habarlaıdy “Adyrna” ulttyq portaly.
Sharany ótkizý barysynda Nur-Sultan qalasynyń mamandandyrylǵan aýdanaralyq ákimshilik sotynyń sheshimimen elorda kóshelerinde qaıyrshylyqpen aınalysatyn 40 sheteldik azamat elden shyǵaryldy. Onyń 30-yn polıııa Ózbekstanmen shektesetin memlekettik shekaraǵa deıin májbúrlep shyǵarýdy uıymdastyrdy, - delingen qalalyq PD baspasóz qyzmetiniń habarlamasynda.
Al qalǵan 10 sheteldik azamat Qazaqstannan óz betinshe ketken.
Jalpy, osy jedel aldyn alý is-sharasy bastalǵan bir apta ishinde kóshi-qon týraly zańnamanyń túrli buzýshylyqtary úshin 288 sheteldik azamat ákimshilik jaýapkershilikke tartylǵan.
”Adyrna” ulttyq portaly
