17 tamyz kúni keshke Reseı áskeri Harkov qalasyndaǵy jataqhanaǵa zymyranmen shabýyl jasady. Bul týraly oblystyq memlekettik ákimshiliktiń basshysy Oleg Sınegýbov málimdedi, dep habarlaıdy «Adyrna» tilshisi.
Aıtýynsha, qatty soqqynyń saldarynan ǵımarat qırap qalǵan. Qazirgi tańda qaza bolǵandar men jaralanǵandardyń naqty sany anyqtalyp jatyr.
«Sońǵy málimetter boıynsha, kem degende 7 adam qaza taýyp, 13 adam jaralandy. Zardap shekkenderdiń arasynda 11 jasar bala da bar. Jalpy jataqhanada úsh myńnan astam turǵyn ómir súrgen. Bul agressordyń dármensizdigin kórsetetin sumdyq jáne aqymaq soqqy boldy»,–dedi ol.
Qaıǵyly oqıǵaǵa qala basshysy da túsinikteme berdi.
«Turǵyn úıge mundaı soqqy berýdi aqtaýǵa bolmaıdy. Bul áskerı maqsat emes. Bul qorqytý, genoıd, naǵyz fashızm áreketi», - dedi Igor Terehov.
