Shymkentte ekonomıkanyń negizgi salalarynda damý baıqaldy

3037
Adyrna.kz Telegram

Shymkent qalasynda bıylǵy jyldyń alǵashqy 7 aıynda ekonomıkanyń barlyq negizgi salalarynda ósim baıqalyp otyr. Bul týraly Qazaqstannyń qańtar-shilde aılaryndaǵy áleýmettik-ekonomıkalyq damý qorytyndysyn qaraýǵa arnalǵan Úkimet otyrysynda QR Premer-mınıstri Álıhan Smaıylov málimdedi, dep jazady "Adyrna" ulttyq portaly. 

Atap aıtqanda, qala ekonomıkasyna tartylǵan tikeleı ınvestıııanyń mólsheri jyldan jylǵa artyp keledi. Bıylǵy jyldyń alǵashqy 7 aıynyń qortyndysy boıynsha Shymkent qalasynyń ekonomıkasyna 219,1 mlrd. teńge ınvestıııa quıylǵan. Bul kórsetkish ótken jyldyń osy merzimimen salystyrǵanda 28,6 paıyzǵa artqanyn baıqaýǵa bolady. Investıııanyń basym bóligi jeke ınvestorlardyń qarjysy ekenin atap ótken jón. Naqtyraq aıtar bolsaq, memlekettik bıýdjetten 52,6 mlrd. teńge, al, jeke kózderden 166,5 mlrd. teńge ınvestıııa tartylyp otyr.

Resmı derekterge súıenetin bolsaq, ınvestıııanyń úlken bóligi negizinen 2 salaǵa baǵyttalyp otyr eken. Olar – ónerkásip jáne qurylys salalary. Sonyń nátıjesinde qos salada da qarqyndy damý baıqalyp otyr. Máselen, bıylǵy jyldyń alǵashqy 7 aıynda Shymkenttegi óndiris oryndary 507,5 mlrd. teńgeniń ónerkásip ónimin óndirgen. Naqty kólem ındeksi 108,4 paıyzdy qurady. Onyń ishinde, óńdeý ónerkásibinde naqty kólem ındeksi 109,6 paıyz bolyp otyr. Iaǵnı, ósim 9,6 paıyzǵa teń.

 

Búginde Shymkent qalasynda qurylys jumystary da qarqyndy túrde júrip jatyr. Esepti merzimde bul sektordaǵy atqarylǵan jumystarynyń kólemi 76,7 mlrd. teńgege jetken. Ótken jyldyń tıisti kezeńimen salystyrǵanda 20,5 paıyzdyq ósim baıqalǵan.

Jumys ónimdi jerde onyń nátıjesi de jaqsy bolatyny belgili. Jyl basynan beri 7 aıdyń ishinde Shymkentte 371,8 myń sharshy metr turǵyn úı paıdalanýǵa berilgen. Bul ótken jylǵy osy kezeńdegi kórsetkishten 15 paıyzǵa kóp.

Shymkenttiń iri saýda-ekonomıkalyq ortalyqqa aınalyp kele jatqanyn jalpy saýda kólemine qarap ta ańǵarý qıyn emes. Qańtar-shilde aılarynda bul kórsetkish 946,1 mlrd.teńge bolyp, naqty kólem ındeksi 109,8 paıyzdy quraǵan. Kólik jáne logıstıka salasynda 158,5 mlrd. teńgeniń qyzmeti kórsetilip, ósim 7,2 paıyzdy qurasa, al, baılanys qyzmetiniń jalpy kólemi 4,8 mlrd. teńgege jetken. Bul baǵyttaǵy ósim 4,7 paıyzǵa teń eken.

 

"Adyrna" ulttyq portaly 

Pikirler