74 jasqa qaraǵan shaǵynda jazýshy Jumabaı Shashtaıuly ómirden ótti, dep habarlaıdy "Adyrna" tilshisi.
Jumabaı Shashtaıuly 1950 jyly Almaty oblysynda týǵan.
Jazýshynyń ólimi týraly qaraly habardy májilis depýtaty Janarbek Áshimjan jazdy. Depýtat áleýmettik jelidegi jazbasynda:
"Qasıetti Orazanyń ekinshi kúni qazaqtyń birtýar qalamgeri, asyl Aǵamyz Jumabaı Shashtaıuly Jaratqannyń quzyryna qaıtypty… Ókinishti… Sóz joq… Birneshe býynǵa ustaz bolǵan, adal hám tap-taza qalpynan aınymaı, sońynan bir aýyz bóten sóz ilestirmegen sábı bolmysty Jumaǵań týraly aıtar jaqsy áńgime kóp. Jaqsylar shetinen ketip jatyr… Sizdi saǵynatyn boldyq…" – dep jazdy ol.
Jumabaı Shashtaıuly qyzmet jolyn "Kommýnızm joly" gazetinde bastap, keıinnen respýblıkalyq "Lenınshil jas", "Soıalıstik Qazaqstan" gazetterinde, "Jalyn" jýrnalynda jumys istedi.
Jazýshy 2002 jyldan Qazaq radıosynyń bas redaktory boldy.
Jumabaı Shashtaıulynyń "Qııada" atty alǵashqy povesi "Tań nury" atty ujymdyq jınaqqa engen. Al 1984 jyly shyqqan "Qyzyl qar" atty tuńǵysh jınaǵy sol jyldary saıası basshylyq tarapynan qatal synǵa da ilikti.
Odan bólek jazýshynyń "Jala men nala", "Jyr jolbarys", "Bizdiń zamannyń Aıaz bıi", "Jańǵyryq" romany syndy eńbekteri bar.
Jumabaı Shashtaıulynyń qonaqasy búgin, 12 naýryzda Jambyl mýzeıi aýylyndaǵy úıinde, keshki aýyzasharmen birge ótedi.
Janazasy 13 naýryz kúni osy aýyldan saǵat 10:00-je shyǵarylady.
