Halyqtyŋ medisinalyq sauattylyǧyn tekseruge 20 mln teŋge ketpek

QR Densaulyq saqtau ministrlıgı halyqtyŋ medisina salasyndaǧy sauattylyǧyn zertteuge 20 million teŋge jūmsauǧa daiyn, dep habarlaidy “Adyrna” ūlttyq portaly Halyq Uni saityna sılteme jasap.  Telegram-daǧy «Memlekettık satyp alu turaly» arnasy taratqan aqparatqa qaraǧanda, qyzmet körsetuşı äzırlegen saualnama medisinalyq taqyryptar boiynşa kemınde 30 sūraqty qamtuy tiıs. Sonymen qatar,  HLS-EU-Q standartty halyqaralyq saualnamasyna (European Health Literacy Survey Questionnaire) negızdeluı tiıs. Onda medisinalyq qyzmetterdıŋ qoljetımdılıgı, emdeluşınıŋ därıger jazyp bergen nūsqauy men reseptterın tüsınuı jäne azamattyŋ densaulyq saqtau salasymen özara ärekettesuınıŋ basqa da niuanstary turaly 47 sūraq qamtylǧan. Zertteudı bır jyl ışınde Qazaqstannyŋ bes qalasynda ötkızu josparlanuda:

•  Nūr-Sūltan jäne Şymkent – ärqaisysynda 700 respondent;
•  Almaty – 800;
•  Öskemen jäne Aqtöbe – ärqaisysynda 400 adam.

Osy üş qalanyŋ kez-kelgen jasy 18-den asqan tūrǧyny qatysa alady. Saualnamaǧa jalpy sany üş myŋ adam qatysuy tiıs. Arnaiy daiyndalǧan alty interviuer medisinalyq statistika ädısterıne jügıne otyryp, jinalǧan aqparatty taldaidy. Sonyŋ negızınde mektepter men joǧary oqu oryndarynda medisinalyq sauattylyǧyn arttyru boiynşa ūsynystar äzırleidı. Tapsyrysty oryndaityn kompaniia zertteu esepterın 10 jeltoqsanǧa deiın tapsyruy kerek. Jariialanǧan konkursqa äzırge ötınış tüspegen.

“Adyrna” ūlttyq portaly