Ukrainanyŋ syrtqy ıster ministrı Andrei Sybiga prezident Qasym-Jomart Toqaevtyŋ Resei-Ukraina qaqtyǧysyn toqtatu turaly ūsynysyn qoldady. Tiıstı mälımdemenı ol H äleumettık jelısındegı paraqşasynda jariialady, dep habarlaidy «Adyrna» tılşısı lenta.ru-ǧa sılteme jasap.
«Prezident Qasym-Jomart Toqaevtyŋ Resei prezidentı Vladimir Putinge soǧysty toqtatatyn uaqyt kelgenı turaly ündeuın joǧary baǧalaimyz. Būl – şynaiy jaǧdaiǧa negızdelgen, der kezınde aitylǧan, dana mälımdeme», – dep jazdy diplomat.
Sybiga Ukraina soǧysty toqtatuǧa baǧyttalǧan kez kelgen syndarly bastamany qūptaitynyn atap öttı. Alaida ol kelıssözderde eldıŋ egemendıgı men aumaqtyq tūtastyǧy eskerıluı tiıs ekenın basa aitty. Sonymen qatar Kiev dialogqa daiyn ekenın, bıraq ol Ukraina müddelerı men halyqaralyq qūqyq normalaryna sai şarttar negızınde ǧana jürgızıluı kerektıgın jetkızdı.
Eske salaiyq, būǧan deiın prezident Qasym-Jomart Toqaev Ombyda Resei-Ukraina qaqtyǧysyn uaqytşa toqtatuǧa şaqyrǧan edı. Memleket basşysy Qazaqstannyŋ beibıtşılık pen dialogty qoldaitynyn atap öttı.
