Foto: Unsplash
Reseilık «Iаndeks» kompaniiasy qazan aiynda data-ortalyqtaryna jasalǧan dron şabuyldarynan keiın Yandex Cloud būltty platformasyndaǧy qoldanuşylar derekterınıŋ 2,84%-yn qalpyna keltıre almaǧanyn mälımdedı, dep habarlaidy "Adyrna".
Kompaniia ökılderınıŋ habarlauynşa, aqparattyŋ bır bölıgı jabdyqtardyŋ qatty zaqymdanuy men rezervtık köşırmelerdıŋ bolmauyna bailanysty bırjola joǧalǧan.
İnjenerler qoldanuşylar derekterınıŋ 97,16%-yn qalpyna keltırgen. Al rezervtık köşıru qyzmetın paidalanǧan qoldanuşylardyŋ barlyq aqparaty tolyq saqtalǧan.
Osy jaǧdaidan keiın «Iаndeks» qauıpsızdık şaralaryn küşeitu turaly şeşım qabyldady. Endı jaŋa virtualdy maşinalardy ıske qosu kezınde rezervtık köşırme jasau funksiiasy ädepkı boiynşa qosylatyn bolady.
Eske salaiyq, qazan aiynyŋ ortasynda ukrainalyq drondar «Iаndekstıŋ» Vladimir, Riazan oblysyndaǧy Sasovo jäne Kaluga qalalarynda ornalasqan üş data-ortalyǧyna şabuyl jasaǧan edı. Saldarynan kompaniianyŋ bırqatar sifrlyq qyzmetterınde auqymdy aqaular tırkeldı.
Atap aitqanda, «Iаndeks Pei» tölem platformasynyŋ paidalanuşylary belgılı bır uaqyt aralyǧynda öz qarajatyna qol jetkıze almai, satyp alularǧa tölem jasau, şottaryn tolyqtyru jäne aqşa audaru kezınde qiyndyqtarǧa tap boldy. Sol kezde kompaniia paidalanuşylardyŋ qarajaty qauıpsız ekenın jäne şottar turaly aqparat bırneşe data-ortalyqta saqtalǧanyn habarlaǧan.
«Kommersant» basylymynyŋ derekközderı zaqymdanǧan jabdyqtardy tolyq auystyru şamamen alty aiǧa sozyluy mümkın ekenın aitqan. Al qoldanuşylar derekterı men servisterın jedel ornalastyru maqsatynda «Iаndeks» VK Cloud, Selectel jäne K2Cloud būltty provaiderlerımen yntymaqtastyq ornatqan.
