20 tamyzǧa qaraǧan tünı Resei äskerı Kievke ballistikalyq zymyrandarmen şabuyl jasady. Kiev qalalyq äskeri äkımşılıgınıŋ mälımetınşe, şabuyl saldarynan kemınde bes adam qaza tauyp, 23 adam jaraqat alǧan, dep habarlaidy «Adyrna» tılşısı DW-ge sılteme jasap.
Būǧan deiın Ukraina astanasynyŋ merı Vitalii Klichko üş adamnyŋ qaza tauyp, 20 adamnyŋ zardap şekkenın mälımdegen bolatyn.
«Olardyŋ 14-ı auruhanaǧa jatqyzyldy. Qalǧandaryna medisinalyq kömek ambulatoriialyq jaǧdaida nemese oqiǧa ornynda körsetıldı», – dep jazdy Klichko özınıŋ Telegram-arnasynda.
Solomen audanynda zymyran synyqtary bes qabatty tūrǧyn üidıŋ maŋyna qūlaǧan. Ǧimarattyŋ terezelerı synǧan, ört şyqqan. Vitalii Klichkonyŋ aituynşa, toǧyz qabatty tūrǧyn üi de soqqyǧa ūşyrap, onyŋ joǧarǧy qabattary qiraǧan.
Taǧy bır mekenjaidaǧy panalau ornynda adamdar qamalyp qalǧan. Sol audanda balalar auruhanasynyŋ ǧimaraty zaqymdanyp, medisinalyq mekeme aumaǧyndaǧy avtokölıkter örtengen.
Darniskii jäne Sviatoşin audandarynda tūrǧyn emes ǧimarattardan ört şyqqan.
Ukrainanyŋ Telegram-arnalary Kiev oblysyndaǧy Brovary qalasyndaǧy qoimalarǧa da soqqy jasalǧanyn habarlady.
