Prezident Qasym-Jomart Toqaev «Halyqtyq qūrylys» bastamasynyŋ maŋyzyna toqtalyp, onyŋ tūtas qoǧamnyŋ äl-auqatyn arttyruǧa baǧyttalǧanyn atap öttı, dep habarlaidy "Adyrna" ūlttyq portaly.
Būl turaly Memleket basşysy Qazaqstan halqyna arnaǧan Joldauynda mälımdedı.
Prezidenttıŋ aituynşa, «Halyqtyq qūrylys» elımızdegı eŋ ırı infraqūrylymdyq jobalardyŋ bırıne ainalmaq. Bastama azamattardyŋ tūrmys sapasyn jaqsartuǧa, käsıpkerlıktı damytuǧa jäne ūlttyq ekonomikany jandandyruǧa yqpal etuı tiıs.
«Bıraq eŋ maŋyzdy mäsele – bız keleşek ūrpaqtarǧa tūjyrymdamalar men josparlar, şeteldegı qūndy qaǧazdarda saqtalǧan, uaqyt ötken saiyn arzandap bara jatqan qarjyny emes, halyqqa qyzmet etetın naqty äleumettık nysandardy amanat retınde qaldyruymyz kerek.
Qūrylyspen ainalysu – jasampazdyqqa, jaŋaşyldyqqa ūmtylu. Sondyqtan «Qūrylys jäne taǧy da qūrylys» degen bır auyz söz jaŋǧyru jolyna tüsken Qazaqstannyŋ myzǧymas qaǧidaty, jalpyūlttyq ūrany boluǧa tiıs.
«Halyqtyq qūrylys» jūrtymyzdy bır maqsat pen müddege bırıktıredı, elımızdı naǧyz örleu men örkendeu jolyna bastaidy.
Osyǧan orai, aldaǧy üş jyldyŋ ışınde Ūlttyq qordan 6,5 trillion teŋge bölınedı", - dedı Prezident.
Memleket basşysy jobanyŋ jüz myŋdaǧan adamdy jūmyspen qamtuǧa mümkındık beretının atap öttı. Onyŋ igılıgın bükıl halyq, äsırese öskeleŋ ūrpaq köredı dep josparlanyp otyr.
Sondai-aq Prezident kelesı jyldy Jalpyhalyqtyq auqymdy qūrylys jyly dep jariialaudy ūsyndy. Bastama aiasynda elımızdıŋ barlyq öŋırınde äleumettık, kölık jäne injenerlık infraqūrylym nysandaryn salu jäne jaŋartu közdelgen.
Atap aitqanda, joldar, äuejailar, vokzaldar, medisinalyq mekemeler, erekşe qajettılıgı bar balalarǧa arnalǧan oŋaltu ortalyqtary, şyǧarmaşylyq üilerı, sport keşenderı, kıtaphanalar men ǧylymi ortalyqtar boi kötermek.
