Äzerbaijan astanasy Bakudıŋ ortalyǧynda 24 jyl būryn jasalǧan kısı öltıru qylmysy aşyldy. Tergeu nätijesınde qylmysqa küdıktı azamat anyqtalyp, qamauǧa alynǧan. Būl turaly Äzerbaijan Bas prokuraturasy men Işkı ıster ministrlıgınıŋ bırlesken mälımdemesınde aitylǧan, dep habarlaidy “Adyrna” ūlttyq portaly Caliber.Az saityna sıltep.
Mälımetke säikes, 2002 jyly 7 qazanda Nasimi audanynyŋ prokuraturasy qasaqana kısı öltıru deregı boiynşa qylmystyq ıs qozǧaǧan. Sol künı Äzerbaijan memlekettık mūnai jäne önerkäsıp universitetınıŋ (ol kezde Äzerbaijan memlekettık mūnai akademiiasy) äkımşılık ǧimaratynyŋ aulasynda küzetşı Mūhammedäli Magerramov pyşaq jaraqatynan qaza tapqan. Sonymen qatar oqu ornynyŋ äkımşılık ǧimaratynan türlı zattar ūrlanǧan.
Ol kezde qylmyskerdı anyqtau mümkın bolmaǧan. Alaida qazırgı tergeu barysynda qylmysty 1979 jyly tuǧan Vugar Ragim oglu Djahangirov jasaǧany belgılı boldy. Ol 1997 jyly atalǧan joǧary oqu ornynan şyǧarylǧan jäne būǧan deiın türlı qylmystar üşın bırneşe ret sottalǧan.
Küdıktı 2026 jylǧy 4 qaraşada ūstalyp, 6 qaraşada oǧan bırqatar bap boiynşa aiyp taǧylǧan. Atap aitqanda, qyzmettık mındetın atqaryp jürgen adamdy paidakünemdık maqsatpen jäne özge qylmysty jasyru üşın qasaqana öltırdı degen aiyptar taǧylǧan.
Qazırgı uaqytta qylmystyq ıs boiynşa tergeu jalǧasyp jatyr.
