Biznes-ideia ūsynǧan myŋǧa juyq almatylyqtardyŋ ötınışı kerı qaitaryldy

Komissiia 1059 ötınıştı qarap ülgerse, 94 almatylyq öz ısın damytuǧa grantty maqūldaǧan. Almatyda biznes-ideialardy jüzege asyru üşın qala tūrǧyndaryna jalpy somasy 517,5 mln teŋgege 375 grant beru jospary bekıtıldı. Būl turaly Öŋırlık kommunikasiialar qyzmetınıŋ alaŋynda Almaty qalalyq Jūmyspen qamtu ortalyǧynyŋ direktory Saǧyndyq Kenjebaev aitty, dep habarlaidy "Adyrna" portaly.  Qazırge deiın komissiia 1059 ötınıştı qarap ülgerdı, onyŋ ışınde 94 almatylyq öz ısın damytuǧa grantty maqūldasa, qalǧan 965-ınen bas tartyldy.

«400 eselengen ailyq eseptık körsetkış (1 380 000 teŋge) kölemındegı memlekettık grant – būl jaŋa käsıp aşu jäne damytu üşın qaitarymsyz negızde berıletın bastapqy kapital», - dedı Saǧyndyq Kenjebaev.

Almaty qalalyq Jūmyspen qamtu ortalyǧynyŋ direktory grantty tek qajettı qūral-jabdyqtar, qūral-saimandar, tehnologiialyq jabdyqtar, mal, mülık, qūs, köşet, būta, tūqym  satyp aluǧa jäne üi-jaidy jalǧa alu aqysyn töleuge ǧana beruge bolatynyn tüsındırdı. Granttar tūtynuşylyq maqsattarǧa, nesielık qaryzdardy öteuge, jyljymaityn tūrǧyn üidı satyp aluǧa jäne ipotekaǧa saluǧa, jer telımderın satyp aluǧa jäne aksizdeletın önım öndıruge berılmeidı. Sonymen qatar, memleket biznestı jüzege asyru üşın bastapqy kapitaldy tek halyqtyŋ äleumettık osal toptaryndaǧy azamattarǧa ǧana böledı. Granttardy kelesı sanattarǧa jatatyn tırkelgen jūmyssyzdar jäne üş jyldan az jūmys ıstegen özın-özı jūmyspen qamtyǧandar ala alady:

• köp balaly adamdar - köp balaly bolǧany üşın järdemaqy aluşylar (küieuı, jūbaiy);
• migranttar jäne olardyŋ eŋbekke qabılettı otbasy müşelerı;
• mügedek balany (küieuın, jūbaiyn) tärbieleu boiynşa järdemaqy alatyn tūlǧalar;
• az qamtylǧan adamdar – atauly äleumettık kömek aluşylar jäne olardyŋ otbasy müşelerı;
• asyrauşysynan aiyrylǧan jaǧdaida tölenetın äleumettık tölemderdı aluşylar;
• qandas märtebesı bar tūlǧalar;
• mügedekter.

Sonymen qatar, grant iegerlerınıŋ «Bastau Business» jobasy boiynşa käsıpkerlık negızderıne oqudan ötkenı turaly sertifikaty boluy kerek (oqytudy onlain, skills.enbek.kz portalynda aiaqtauǧa bolady). Sondai-aq, märtebesın tekseru kezınde äleuettı grant iegerlerı erıktı qonys audaruǧa (oŋtüstıkten soltüstıkke) qatysuşylardy qospaǧanda, jūmyspen qamtuǧa järdemdesudıŋ belsendı şaralarynyŋ qatysuşysy boluy tiıs. Grant alǧan sätten bastap onyŋ ielerı jeke käsıpkerdı üş ai ışınde tırkeuı kerek. Grantqa qatysu üşın business.enbek.kz portalynda tırkelu qajet. Basqa sūraqtar boiynşa almatylyqtar Dostyq daŋǧyly 85, «Äleumettık qyzmet körsetu üiı» mekenjaiy boiynşa Jūmyspen qamtu ortalyǧyna nemese 310-47-82 bıryŋǧai nömırıne habarlasa alady.

"Adyrna" ūlttyq portaly