Bügın, 19 qazanda Qazaqstan qūramasy Aichi-Nagoiada (Japoniia) ötıp jatqan Aziia Para oiyndarynda 15 medal enşıledı. Būl turaly Ūlttyq olimpiadalyq komitet jazdy, dep habarlaidy «Adyrna» tılşısı.
Erkın Ǧabbasov para oq atudan top jaryp, jarys rekordyn jaŋartsa, David Degtiarev pauerliftingten chempiondyq ataǧyn qorǧady. Al para dziudoşy İbragim Nūrmahanūly J2 sanatynda 70 kelı salmaqta üzdık şyqty.
Anastasiia Kalaus äielder arasynda 4000 metrge jekelei ız kesu jarysynda kümıs jüldege ie boldy. Däl osy qaşyqtyqta erler arasynda Kirill İliukevich qola medalǧa ie boldy.
Dziudodan Älfiia Tılekqabyl J1 sanatynda 52 kelıge deiıngı salmaqta üşınşı oryn aldy.
Elaman Jolaman iadro serpuden F35 sanatynda jeŋıs tūǧyrynyŋ ekınşı satysyna köterıldı.
Para pauerliftingten Tūrsynai Qabyl 41 kelıge deiıngı salmaqta kümıske ie boldy. Al erler arasynda Stanislav Şakiev 59 kelıge deiıngı salmaqta qola jüldenı qanjyǧasyna bailady.
Jüzuden Dias Kenjebek S10 sanatynda 100 metrge erkın stilde jüzuden kümıs medal jeŋıp aldy. Sondai-aq ūlttyq qūrama 20 ūpailyq sanatta 4h50 metrge keşendı jüzuden aralas komandalyq saiysta ekınşı oryn aldy.
Roman Potapov S11 sanaty boiynşa 100 metrge şalqalai jüzuden qola aldy. Viktor Volkov S13 sanaty boiynşa 100 metrge erkın stilde jüzuden üzdık üştıktı tüiındedı.
Osylaişa, ūlttyq qūrama qorjynynda üş altyndy qosa eseptegende 15 medal bar.
Aita keteiık, 18 qazanda Japoniianyŋ Nagoia qalasynda V Aziia Para oiyndarynyŋ aşylu saltanaty ötken edı. Biyl jarysqa Aziianyŋ 45 elınen 4 myŋǧa juyq sportşy jinalǧan. Olardyŋ arasynda Qazaqstannan barǧan 150 sportşy bar.
