AQSh prezıdenti Donald Tramp Tesla kompanııasynyń bas dırektory Ilon Maskty qoldaý maqsatynda elektromobıl satyp aldy, dep habarlaıdy “Adyrna” ulttyq portaly Anadoly agenttigine siltep.
Tramp Tesla kóligin Aq úı aýlasyna aıdap kirip, Ilon Maskpen birge kamera aldynda sýretke túsken. Prezıdenttiń aıtýynsha, ol ádette kólik júrgizbeıdi. Alaıda Maskty qoldaıtynyn kórsetý úshin kólik satyp alǵan.
“Men ony satyp alamyn, óıtkeni bul, eń aldymen, jaqsy ónim. Ekinshiden, ol óziniń kúshi men ómirin osy salaǵa arnady, al meniń oıymsha, oǵan ádiletsizdik jasalyp jatyr,” – dedi Tramp.
Ol qyzyl tústi kólikpen sýretke túsken.
“Ókinishke qaraı, men kólik júrgize almaımyn. Kólik basqarmaǵanyma kóp boldy, biraq bul kólik Aq úıde bolady. Men qyzmetkerlerime ony paıdalanýǵa ruqsat beremin,” – dedi ol.
Osyǵan deıin 2 jáne 8 naýryz kúnderi AQSh-tyń birneshe aımaǵynda Tesla avtosalondarynyń aldynda narazylyq akııalary ótken bolatyn. Keıbir dılerlik ortalyqtarda vandalızm aktileri oryn alǵan.
