Astanada mereitoilyq X Astana Media Week 2026 aptalyǧynyŋ aşyluy öttı. Plenarlyq sessiiada Qazaqstan Respublikasy Mädeniet jäne aqparat bırınşı vise-ministrı Qanat Ysqaqov otandyq mediasalanyŋ soŋǧy on jyldaǧy negızgı özgerısterıne, jasandy intellektke bailanysty syn-qaterlerge jäne BAQ pen qoǧam arasyndaǧy senımnıŋ jaŋa arhitekturasyn qalyptastyru basymdyqtaryna toqtaldy.
Qanat Ysqaqov öz sözınde Qazaqstannyŋ on jyl ışınde aqparat taratudyŋ dästürlı modelınen köparnaly sifrlyq mediaortaǧa köşkenın atap öttı. Eger 2017 jyly elde şamamen 2,9 myŋ būqaralyq aqparat qūraly tırkelgen bolsa, bügınde olardyŋ sany 5,4 myŋnan asady. Al internetke qoljetımdılıgı bar halyqtyŋ ülesı 73%-dan 93,4%-ǧa östı.
Auditoriianyŋ talǧamy da aitarlyqtai özgerdı. Qazır qazaqstandyqtardyŋ 39,1%-y jaŋalyqtardy negızınen äleumettık jelıler men messendjerlerden alady. Telegram, Instagram, YouTube jäne TikTok aqparat taratudyŋ tolyqqandy arnalaryna ainalyp, blogerler men sifrlyq platformalar dästürlı redaksiialarmen belsendı bäsekelesıp jatyr.
Bırınşı vise-ministrdıŋ aituynşa, medianaryqtyŋ kelesı özgerıs kezeŋı jasandy intellekttıŋ damuymen tıkelei bailanysty. Neirojelıler qazırdıŋ özınde aqparat ızdeu men öŋdeuge, mätın, suret jäne beinematerialdar jasauǧa qoldanylyp keledı. Sonymen qatar jalǧan aqparat pen dipfeikterdıŋ taraluy, jeke derekterdıŋ qūpiialylyǧy būzyluy siiaqty qauıpter de artyp otyr.
Qanat Ysqaqov üş negızgı qaǧidatqa süienetın senımnıŋ jaŋa arhitekturasyn qalyptastyru qajettıgıne erekşe nazar audardy. Olar – käsıbi jurnalistikany nyǧaitu, jariialanatyn aqparat üşın adamnyŋ jauapkerşılıgı jäne tehnologiialardy qauıpsız paidalanu.
«Algoritm mätın jaza alady, bıraq söz üşın jauap bere almaidy. Jauapkerşılık ärdaiym jurnalist pen redaktordyŋ moinynda qalady. Sondyqtan mediaqauymdastyqpen bırge redaksiialarda jasandy intellekttı jauapkerşılıkpen paidalanudyŋ ortaq qaǧidattaryn äzırleudı ūsynamyz. Eŋ aldymen, būl – auditoriiaǧa aşyqtyq tanytu jäne jasandy intellekttıŋ qatysuymen jasalǧan dünienıŋ bärın adamnyŋ mındettı türde tekseruı», – dep atap öttı Qanat Ysqaqov.
Osy ūstanym aiasynda Mädeniet jäne aqparat ministrlıgı granttyq jüie arqyly sapaly mediakontent öndırısın qoldaudy jalǧastyrady. Derekter jurnalistikasyn, faktchekingtı damytuǧa jäne memlekettık tıldegı materialdardy daiyndauǧa erekşe köŋıl bölınedı.
Būdan bölek, sintetikalyq kontenttı taŋbalau tetıkterın engızu, dipfeikterdı anyqtau qūraldaryn jetıldıru jäne halyqtyŋ mediasauatyn arttyru qajettıgı aityldy. Jurnalisterdıŋ, sonyŋ ışınde öŋırlerdegı mamandardyŋ jasandy intellekt salasyndaǧy qūzyretın damytu jeke basymdyqqa ainalady.
«Tehnologiialar bızge neǧūrlym köp mümkındık berse, olardy paidalanudaǧy jauapkerşılıktıŋ salmaǧy da soǧūrlym artady», – dedı bırınşı vise-ministr.
Salanyŋ damu keleşegı turaly aitqan Qanat Ysqaqov tört aiqyndauşy faktordy atap öttı. Olar – şynaiy aqparattyŋ qūndylyǧyn arttyru, Jİ kömekşılerı arqyly jaŋalyqtardy tūtynu täsılderınıŋ özgeruı, jurnalisterdıŋ tereŋırek taldauǧa köşuı jäne sapaly qazaqtıldı kontenttı damytu.
Sözınıŋ soŋynda bırınşı vise-ministr tehnologiialyq özgerısterdıŋ jyldamdyǧyna qaramastan, qoǧam senımınıŋ negızı jurnalistıŋ käsıbilıgı, adaldyǧy men jauapkerşılıgı bolyp qala beretının atap öttı.
Astana Media Week 2026 Astanada 14–16 qazan aralyǧynda ötedı. Is-şara aqparat salasynyŋ bolaşaǧyn talqylau üşın memlekettık organdardyŋ, mediaqauymdastyqtyŋ, sifrlyq platformalardyŋ ökılderı men halyqaralyq sarapşylardy bırıktıredı.
