AQŞ prezidentı Donald Tramp qyzmetındegı merzımı aiaqtalǧanǧa deiın Atlant nemese Tynyq mūhittarynyŋ bırınıŋ atauyn özgertıp, ony «Tramp mūhity» ne «Amerika mūhity» dep ataudy qarastyryp jür. Būl turaly TASS agenttıgı jazdy, dep habarlaidy “Adyrna”.
«Bızge mūhit kerek. Sondyqtan Atlant mūhityn nemese Tynyq mūhityn özgertudı oilap jürmın. Ony «Tramp mūhity» nemese «Amerika mūhity» dep ataimyz. Şamamen osyndai atau bolady. Mūny men qyzmetımnen ketpei tūryp jasauymyz kerek. Menıŋ oiymşa, bızge öz mūhitymyz kerek, sondai-aq ūly özenımız de boluy qajet. Bıraq Missisipi özenınıŋ atauyn özgertpeimın. Maǧan Missisipi ūnaidy», – dedı ol.
Sonymen qatar Aq üi basşysy Ormuz būǧazynyŋ atauyn «Tramp būǧazy» dep özgertu mümkındıgın de qaita köterdı.
Aita keteiık, būǧan deiın Donald Tramp Meksika şyǧanaǧyn «Amerika şyǧanaǧy», al Ontario kölın «Amerika kölı» dep qaita atauǧa qatysty jarlyqtarǧa qol qoiǧan bolatyn. Būl qūjattar federaldyq ükımettıŋ resmi qūjattary men kartalarynda qoldanylatyn ataulardy özgertuge baǧyttalǧan.
Alaida atalǧan özgerısterdıŋ bolaşaǧy keiıngı äkımşılıktıŋ şeşımıne bailanysty boluy mümkın. Tramptan keiıngı prezident tiıstı atqaruşylyq jarlyqtarǧa qol qoiyp, būl ataulardy qaita özgertuge qūqyly.
