eGov Mobile qosymşasy jaŋartylǧannan keiıngı jetı jyl ışınde jekelegen memlekettık qyzmetterge mobildı qol jetkızu qūralynan 13,2 millionnan astam paidalanuşysy bar bıryŋǧai sifrlyq platformaǧa ainaldy. Bügınde qosymşada 1 100-den astam memlekettık qyzmet pen servis qoljetımdı.
Mobildı sifrlyq ükımettıŋ tarihy 2012 jyly mGov qosymşasynyŋ ıske qosyluynan bastaldy. Paidalanuşylarǧa alǧaşqy elektrondyq memlekettık qyzmetter, onyŋ ışınde mekenjai jäne zeinetaqy anyqtamalaryn, jyljymaityn mülıktıŋ bar-joǧy jäne oǧan salynǧan auyrtpalyqtar turaly anyqtamalardy alu, sondai-aq aiyppūldardy, salyqtar men memlekettık bajdardy töleu mümkındıgı ūsynyldy. 2019 jylǧa qarai qosymşada 70-ke juyq qyzmet pen servis qoljetımdı boldy.
2019 jyly mGov qosymşasynyŋ dizainy jaŋartylyp, atauy eGov Mobile bolyp özgertıldı. Osy sätten bastap mobildı sifrlyq ükımettı damytudyŋ jaŋa kezeŋı bastaldy. 2020 jyly qosymşada biometriialyq säikestendıru engızılıp, memlekettık qyzmetterdı alu kezınde jeke basty rastau prosesı jeŋıldetıldı.
Eŋ sūranysqa ie servisterdıŋ bırı - qūjattardyŋ elektrondyq nūsqalaryn zaŋnamada közdelgen jaǧdailarda qaǧaz nemese fizikalyq qūjattardyŋ ornyna ūsynuǧa mümkındık beretın «Sifrlyq qūjattar» servisı. Servis ıske qosylǧannan berı paidalanuşylar sifrlyq qūjattarǧa 600 millionnan astam ret jügıngen. Keiın būl servis ekınşı deŋgeilı bankterdıŋ tanymal qosymşalarynda da qoljetımdı boldy.
Taǧy bır maŋyzdy qūral - elektrondyq sifrlyq qoltaŋbany şyǧaru jäne QR-kod arqyly qūjattarǧa qol qoiu mümkındıgı. Bügıngı taŋda paidalanuşylar QR-kod arqyly qol qoiu qyzmetın şamamen 80 million ret paidalanǧan.
«Jetı jyl ışınde eGov Mobile jekelegen memlekettık qyzmetterdı aluǧa arnalǧan qosymşadan Qazaqstannyŋ negızgı sifrlyq platformalarynyŋ bırıne ainaldy. Eger 2019 jyly ai saiynǧy belsendı paidalanuşylar sany 272 myŋ bolsa, 2026 jyly būl körsetkış 7,5 million adamǧa jetıp, şamamen 28 esege östı. Biyl qosymşa arqyly 20 millionnan astam memlekettık qyzmet körsetıldı. Būl qosymşanyŋ qazaqstandyqtar arasynda sūranysqa ie bolyp kele jatqanyn körsetedı. Bügınde eGov Mobile memlekettık qyzmetter men sifrlyq servisterdı bır platformaǧa bırıktırıp, olardy aludy yŋǧaily ärı qoljetımdı etude. Bız azamattardyŋ kündelıktı mäselelerın üiden şyqpai-aq, tezırek, oŋai ärı barynşa az küş jūmsap şeşuı üşın mobildı ükımettı jetıldırudı jalǧastyramyz», - dep atap öttı QR Jasandy intellekt jäne sifrlyq damu bırınşı vise-ministrı Rostislav Koniaşkin.
2024 jyldyŋ şıldesınde elektrondyq ükımettıŋ mobildı ekojüiesı käsıpkerlerge arnalǧan eGov Business qosymşasynyŋ ıske qosyluymen keŋeidı. Ol biznes ökılderıne smartfon arqyly memlekettık qyzmetterdı paidalanuǧa, ESQ şyǧaruǧa ötınım beruge, QR-kod arqyly qūjattarǧa qol qoiuǧa, zaŋdy tūlǧanyŋ bırınşı basşysyn tırkeuge jäne basqa da sūranysqa ie operasiialardy oryndauǧa mümkındık beredı.
2025 jyly eGov Mobile tolyq rebrendingten ötıp, qosymşanyŋ vizualdy dizainy men paidalanuşy täjıribesı jaŋartyldy.
2026 jyly qosymşada paidalanuşylarǧa memlekettık qyzmetterdı oŋai tabuǧa jäne qajettı aqparatty dialog formatynda aluǧa kömektesetın jaŋa qūral - eGov GPT paida boldy. Ony interaktivtı anyqtamalyq retınde paidalanuǧa bolady. Ol üşın sūraqty qarapaiym tılmen qoiyp nemese öz jaǧdaiyn sipattau jetkılıktı. Servis qoljetımdı qyzmetter men qajettı ıs-qimyl tärtıbı turaly aqparat beredı. Mysaly, balanyŋ tuuyn tırkeu turaly sūraq qoiylǧan jaǧdaida, servis qandai qyzmetter qajet boluy mümkın ekenın jäne neden bastau kerektıgın tüsındıredı. eGov GPT arqyly 50-den astam memlekettık qyzmet qoljetımdı, al serviske jügınu sany 150 myŋnan asty.
Sol jyly eGov GPT AI & Digital Bridge Awards 2026 syilyǧynyŋ «GovTech Project of the Year» nominasiiasy boiynşa jeŋımpazy atandy. Marapat Astanada ötken AI & Digital Bridge 2026 halyqaralyq tehnologiialyq forumy aiasynda tabystaldy.
