Maŋǧystau oblysynda Kaspii teŋızı arqyly Qazaqstannyŋ memlekettık şekarasyn zaŋsyz kesıp ötken İrannyŋ üş azamatyna qatysty sot ükımı şyqty, dep habarlaidy "Adyrna".
Oqiǧa 24 şıldede bolǧan. İran azamattary Kaspii teŋızınde balyq aulap jürıp, memlekettık şekarany ötkızu punktınen tys jerde zaŋsyz kesıp ötken. Olardy Ūlttyq qauıpsızdık komitetı Şekara qyzmetınıŋ äskeri qyzmetşılerı ūstaǧan.
Atalǧan faktı boiynşa Qazaqstan Qylmystyq kodeksınıŋ 392-baby 1-1-bölıgımen qylmystyq ıs qozǧaldy. Būl bap adamdar tobynyŋ aldyn ala söz bailasuy boiynşa memlekettık şekarany ötkızu punktterınen tys jerde qasaqana zaŋsyz kesıp ötudı közdeidı.
Qaraqiia audandyq soty üş azamatty kınälı dep tanyp, ärqaisysyna bır jyl bas bostandyǧynan aiyru jazasyn taǧaiyndady. Sonymen qatar olar jazasyn ötegennen keiın Qazaqstan aumaǧynan şyǧaryluǧa tiıs.
Sot ükımı äzırge zaŋdy küşıne engen joq.
Prokuraturanyŋ mälımetınşe, memlekettık şekarany belgılengen ötkızu punktterınen tys jerde zaŋsyz kesıp ötu zaŋnamada közdelgen jauapkerşılıkke äkep soǧady.
Aita keteiık, Kaspii teŋızı arqyly Qazaqstannyŋ oŋtüstık jaǧalauynan İrannyŋ soltüstık jaǧalauyna deiıngı eŋ qysqa qaşyqtyq şamamen 700–750 şaqyrymdy qūraidy. Al Aqtau portynan İrannyŋ Enzeli nemese Amirabad porttaryna deiıngı teŋız jolynyŋ ūzyndyǧy şamamen 850–900 şaqyrym, iaǧni 460–480 teŋız milıne juyq.
