28 qyrküiek künı tüsten keiın Almaty oblysynyŋ aumaǧynda jer sılkınısı tırkeldı, dep habarlaidy "Adyrna".
Qazaqstan Ūlttyq derekter ortalyǧynyŋ (KNDC) mälımetınşe, seismikalyq dümpu Astana uaqytymen saǧat 13:53-te bolǧan. Jer sılkınısınıŋ oşaǧy Narynqol auylynan soltüstık-batysqa qarai şamamen 25 şaqyrym jerde, Almaty qalasynan oŋtüstık-şyǧysqa qarai 247–254 şaqyrym qaşyqtyqta ornalasqan.
Jer sılkınısınıŋ episentrı 42,81° soltüstık endık jäne 79,89° şyǧys boilyq koordinattarynda tırkeldı. Jer sılkınısınıŋ magnitudasy — mb 4,2, energetikalyq klasy — K 9,4. Oşaqtyŋ tereŋdıgı 7 şaqyrymdy qūrady.
Aldyn ala mälımet boiynşa, jer sılkınısınıŋ dümpuı Narynqol auylynda 2–3 ball, al Kegen auylynda 2 ballşamasynda sezılgen. Alaida KNDC derekterınde dümpudıŋ sezılgenı turaly aqparat bolmaǧany körsetılgen.
Aita keteiık, 28 qyrküiek künı Almaty qalasynda da jer sılkınısı sezılgen bolatyn. Qala aumaǧyndaǧy qarqyndylyǧy 3–4 ball deŋgeiınde tırkeldı.
Sol künı taŋerteŋ Qazaqstan aumaǧynda taǧy bır seismikalyq oqiǧa tırkelgen. Qūtqaruşylar onyŋ oşaǧynyŋ naqty ornalasqan jerın habarlamaǧan jäne dümpulerdıŋ Almatyda sezılmegenın mälımdegen.
Keiın Almaty qalasynyŋ Tötenşe jaǧdailar departamentı qalada küştı jer sılkınısı boluy mümkın degen boljamǧa qatysty aqparat taratty. Sondai-aq Almaty aumaǧynda bolǧan jer sılkınısterınıŋ oşaqtaryna bailanysty jaŋartylǧan mälımetter jariialandy.
Qazırgı taŋda keltırılgen mälımetter boiynşa adam şyǧyny nemese qirau turaly aqparat joq.
