AQŞ ǧaryş orbitasyna şabuyl maqsatynda qoldanylatyn qaru ornalastyrǧanyn alǧaş ret resmi türde moiyndady, dep habarlaidy "Adyrna" tılşısı.
Būl turaly AQŞ äue küşterınıŋ ministrı Troi Meink rastady.
Ol düisenbı künı äue, ǧaryş jäne kibersoǧys jönındegı konferensiiada söz söilep, atalǧan qarudyŋ amerikalyq äskerilerdı «özgerıp jatqan qauıpterden» qorǧau üşın qajet ekenın aitty.
Ministr qarudyŋ naqty mümkındıkterın aşyp aitpady. Sondai-aq onyŋ orbitaǧa qaşan şyǧarylǧanyn naqtylamady.
Būǧan deiın AQŞ resmi ökılderı ǧaryştaǧy äskeri mümkındıkterdı küşeitu jospary turaly ǧana mälımdep kelgen. Vaşington būǧan Resei men Qytaidyŋ amerikalyq jerserıkterdıŋ jūmysyn būzuǧa nemese olarǧa şabuyl jasauǧa baǧyttalǧan baǧdarlamalaryn sebep retınde ataǧan.
Būdan bölek, Donald Tramp äkımşılıgı zymyrandar men AQŞ aumaǧyna tönetın basqa da qauıpterdı ǧaryştan ūstap qaluǧa arnalǧan «Altyn kümbez» jüiesınıŋ qūramynda ǧaryştyq komponent, sonyŋ ışınde tosqauyldauşy zymyrandar bolatynyn habarlaǧan.
1967 jyly KSRO men AQŞ ǧaryşta jappai qyryp-joiatyn qarudy ornalastyruǧa tyiym salatyn ǧaryş keŋıstıgı turaly şartqa qol qoiǧan. Alaida qūjat kädımgı qaru türlerıne qatysty şekteu qoimaidy.
Soŋǧy jyldary Resei, Qytai jäne AQŞ qarsy taraptyŋ bailanys, barlau jäne navigasiia üşın paidalanylatyn jerserıkterıne şabuyl jasauǧa mümkındık beretın türlı qūraldardy damytyp keledı.
2019 jyly AQŞ-ta 70 jylǧa juyq uaqyttan keiın qaruly küşterdıŋ jaŋa türı — ǧaryş küşterı qūryldy. Ötken jyly Donald Tramp Ǧaryş küşterıne qorǧanyspen qatar şabuyldau mındetterın de jükteitın jarlyq şyǧardy.
AQŞ ǧaryş küşterınıŋ ökılı būl maqsatta «kinetikalyq jäne kinetikalyq emes qūraldar» bar ekenın aitty.
