Reseiden Qazaqstanǧa baǧyt alǧan 252 myŋ dana tauyq jūmyrtqasy mındettı veterinariialyq qūjattary bolmaǧandyqtan el aumaǧyna ötkızılmedı, dep habarlaidy "Adyrna" ūlttyq portaly QazTAG-qa sıltep.
Būl turaly auyl şaruaşylyǧy ministrlıgınıŋ baspasöz qyzmetı habarlady.
Oqiǧa «Jaisaŋ» veterinariialyq baqylau beketınde bolǧan. QR auyl şaruaşylyǧy ministrlıgı veterinariialyq baqylau jäne qadaǧalau komitetınıŋ Aqtöbe oblystyq aumaqtyq inspeksiiasy qyzmetkerlerı Reseiden Baiqoŋyr qalasyna baǧyt alǧan kölıktı teksergen.
Baqylau barysynda tasymaldanǧan jūmyrtqa partiiasyna qajettı veterinariialyq ılespe qūjattardyŋ joq ekenı anyqtalǧan.
Osy faktı boiynşa tiıstı akt toltyrylyp, äkımşılık qūqyq būzuşylyq turaly hattama räsımdeldı.
Ministrlık mälımetınşe, 252 myŋ dana jūmyrtqa tielgen partiia Reseige kerı qaitarylǧan. Tasymaldauşyǧa veterinariialyq zaŋnama talaptary jäne baqylaudaǧy önımderdı memlekettık şekara arqyly ötkızu tärtıbı tüsındırıldı.
