Qytaidyŋ Medisinalyq önımder jönındegı ūlttyq basqarmasy (NMPA) jasandy intellekt tehnologiialarynyŋ kömegımen äzırlengen jaŋa preparatty alǧaş ret maqūldady. Mprosevir dep atalatyn därı eresekterdegı jeŋıl jäne ortaşa deŋgeidegı COVID-19-dy emdeuge arnalǧan. Būl turaly Global Times basylymy jazdy, dep habarlaidy "Adyrna".
Preparatty äzırleuge şamamen 3,5 jyl jūmsalǧan. Osy uaqyt aralyǧynda zertteuşıler perspektivaly molekulany anyqtap, ony jetıldırıp, klinikaǧa deiıngı jäne klinikalyq synaqtardyŋ barlyq kezeŋınen ötkızgen. Mamandardyŋ aituynşa, dästürlı ädıspen jaŋa därı jasauǧa orta eseppen 10–15 jyl qajet boluy mümkın.
Mprosevir-dı äzırleu barysynda ǧalymdar jasandy intellektını paidalanyp, şamamen 49 milliard molekulalyq qosylysty qamtityn derekter qoryn taldaǧan. Jüie bırneşe kün ışınde yqtimaldyǧy joǧary molekulalardy ırıkteuge mümkındık bergen.
Odan keiın mamandar ekı jyl boiy taŋdalǧan molekulanyŋ qasietterın jetıldırıp, tiımdılıgın arttyruǧa jäne uyttylyǧyn tömendetuge jūmys ıstegen. Zertteu aldymen jasuşalarǧa jürgızılgen synaqtar men januarlarǧa jasalǧan täjıribelerden ötıp, keiın adamdardyŋ qatysuymen jürgızılgen klinikalyq zertteulerge deiın jalǧasqan.
Äzırleuşılerdıŋ mälımetınşe, jobanyŋ barlyq kezeŋınde jasandy intellekt maŋyzdy röl atqarǧan. Olardyŋ pıkırınşe, Mprosevir-dıŋ jasaluy AI tehnologiialaryn farmasevtika salasynda qoldanudyŋ praktikalyq tiımdılıgın körsetedı.
Qytaidaǧy därı-därmekterdı jıkteu jüiesınde 1-sanatqa el ışınde de, şetelde de būryn naryqqa şyǧarylmaǧan, jaŋa ärı innovasiialyq preparattar jatady. Mprosevir osy sanatqa engızılgen.
