Şyǧys Qazaqstan oblysynyŋ Ridder qalasynda 600 oquşyǧa arnalǧan jaŋa qazaq mektebı paidalanuǧa berıldı, dep habarlaidy "Adyrna" tılşısı.
Bılım ordasynyŋ aşylu saltanatyna oblys äkımı Nūrymbet Saqtaǧanov qatysty.
«Biyl oblysymyzda 10 myŋǧa juyq jas büldırşın mektep tabaldyryǧyn alǧaş attap otyr. Onyŋ 60-tan astamy osy Şaŋyraq mektebıne qabyldandy. Jaŋa oqu jylynda şekaralyq aimaq sanalatyn Marqaköl audany, jaŋadan qūrylǧan Samar audany jäne öndırısı quatty Ridder qalasynda üş jaŋa mektep paidalanuǧa berıldı. 600 oryndyq zamanaui «Şaŋyraq» mektep-gimnaziiasy – keleşekte bılım men innovasiianyŋ köşın bastap, elımızdıŋ bılımdı, bäsekege qabılettı jastaryn tärbieleitın ırgelı bılım ordasyna ainalsyn. Jaŋa oqu jyly qūtty bolsyn!», – dedı aimaq basşysy.
Jaŋa mektep – qaladaǧy jalǧyz qazaq mektebı sanalatyn «Şaŋyraq» bılım ordasynyŋ 35 jyldan berı şeşımın kütken mäselesınıŋ nätijesı. Būǧan deiın mekteptıŋ eskı ǧimaratynyŋ jaǧdaiy, oqu oryndarynyŋ tarlyǧy jäne oquşylardyŋ ekı korpusqa bölınıp bılım aluy ata-analar tarapynan köterılgen.
Mäsele Ridderge barǧan saparynda ata-analarmen kezdesken būrynǧy oblys äkımı Ermek Köşerbaevqa da aitylǧan. Keiın onyŋ «Kazsink» kompaniiasynyŋ basşylyǧymen jürgızgen kelıssözderı nätijesınde käsıporyn jaŋa mekteptıŋ qūrylysyn tolyq qarjylandyruǧa kelısken.
Qazır oquşylar zamanaui talaptarǧa sai jaŋa ǧimaratta bılım alady.
