31 tamyzda Qyrǧyzstan astanasy Bışkek qalasynda Qazaqstan Prezidentı Qasym-Jomart Toqaev pen Äzerbaijan Prezidentı İlham Älievtıŋ kezdesuı öttı, dep habarlaidy “Adyrna”.
Kezdesude İlham Äliev Qazaqstan Prezidentın eldegı jaŋa parlament — Qūryltaiǧa ötken alǧaşqy sailaudyŋ sättı ötuımen qūttyqtady. Ol būl saiasi nauqandy Qasym-Jomart Toqaevtyŋ bastamasymen jüzege asyrylyp jatqan auqymdy reformalardy Qazaqstan halqynyŋ qoldaitynynyŋ kezektı dälelı retınde atap öttı.
Öz kezegınde Prezident Qasym-Jomart Toqaev Äzerbaijan basşysyna joldaǧan qūttyqtau haty jäne sailauǧa Äzerbaijannan kelgen halyqaralyq baiqauşylardyŋ belsendı qatysqany üşın alǧys bıldırdı.
Taraptar Qazaqstan men Äzerbaijan arasyndaǧy strategiialyq serıktestık pen odaqtastyq qatynastardyŋ tabysty damyp kele jatqanyn atap öttı. Sondai-aq joǧary deŋgeidegı özara saparlar men kezdesulerdıŋ ekıjaqty bailanystardy odan ärı nyǧaitudaǧy maŋyzyna toqtaldy.
Kezdesude kölık-logistika salasyndaǧy yntymaqtastyq, sondai-aq Orta dälızdıŋ maŋyzy men ony damytu perspektivalary talqylandy.
Memleket basşylary būdan bölek Bakude ötetın Aziiadaǧy özara ıs-qimyl jäne senım şaralary jönındegı keŋes sammitın ötkızu mäselesın qarastyrdy.
Kezdesu barysynda aldaǧy joǧary deŋgeidegı bailanystar jäne özara qyzyǧuşylyq tudyratyn özge de mäseleler boiynşa pıkır almasty.
