Almaty oblysynyŋ taularynan tabylǧan adam süiekterınıŋ kımge tiesılı ekenı anyqtaldy, dep habarlaidy “Adyrna” tılşısı.
Būl turaly marqūmnyŋ qyzy Nellia Miheeva äleumettık jelıdegı paraqşasynda habarlady.
Onyŋ aituynşa, tabylǧan süiekter 2007 jyly tauǧa şyǧyp, sodan berı habar-oşarsyz ketken äkesıne tiesılı. Nellia Miheeva süiekterdıŋ tabylǧanyn 19 jyldan keiın estıp otyr.
Äieldıŋ sözınşe, Belarusten kelgen turister taudan adam süiekterı men riukzak tapqan. Būl turaly aqparatty onyŋ qūrbysy jıbergen. Nellia Miheeva riukzakty bırden äkesınıkı dep tanyǧan.
Keiın qūtqaruşylar men polisiia qyzmetkerlerı otbasymen bailanysqa şyqqan. Tergeuşılerge qajettı qūjattar men äkesınıŋ tauda jürgen kezdegı fotosuretterı ūsynylǧan. Tekseru barysynda riukzaktyŋ ışınen marqūmnyŋ jeke kuälıgı de tabylǧan.
Būǧan deiın Belarusten kelgen turister Almaty oblysynyŋ taularynda adam mäiıtınıŋ qaldyqtaryn tapqan bolatyn. Turister būl turaly qūtqaru qyzmetıne habarlaǧan.
Oqiǧa ornyna TJM «Qazäueqūtqaru» äue kemesımen «Barys» respublikalyq jedel-qūtqaru jasaǧynyŋ mamandary men apattar medisinasy ortalyǧynyŋ qyzmetkerlerı jıberılgen.
Qazır oqiǧaǧa qatysty tiıstı jūmystar jürgızılude.
