Reseı aspanyn toryp, áýede qalyqtaǵan belsigiz nysandar kózge tústi. Kók aspandy sharlaǵan belgisiz qanatty kemelerden Sankt-Peterbor aspanyn qorǵaý maqsatynda "Kilem" atty dabyl túri engizildi. Qazir qalanyń Pýlkovo áýejaıynda ushyp-qonyp jatqan ushaq baıqalmaıdy, dep habarlaıdy "Adyrna" ulttyq portaly.
"78.ru"-dyń habarlaýynsha, "Kilem" - barlyq áýe kemeleriniń jerge dereý qonýyn nemese belgilengen aýdannan shyǵarylýyn talap etetin dabyl túri. Mundaı dabyl túri tek aıryqsha ári tótenshe jaǵdaılarda, shekarany zańsyz kesip ótý nemese beımálim ushatyn nysandar baıqalǵan kezde beriledi.
Flight Radar málimetinshe, áýeni toryǵan ushaqtar Sankt-Peterborǵa jaqyn kele qoıǵan joq. Baza arnasy bolsa, aspanda belgisiz nysandar emes, bógde áskerı ushaqtardyń qalyqtap júrgenin málimdedi.
Degenmen qazir qala ústindegi áýe keńistigi bos. Jolaýshy tasymaldaýshy ushaqtardyń barlyǵy kútý aımaǵyna aýystyrylǵan. Máskeýden Sankt-Peterborǵa bet alǵan ushaqtar keri burylǵan. Qala kógine belgisiz áýe kemelerin joıǵyshtar ushyryldy.
"Adyrna" ulttyq portaly
