Elordada sailau strategiialary talqylanyp jatqanda, öŋırlerde veterinariialyq stansiialar, aiaqkiım fabrikalary men tūrmystyq qaldyqtardy sūryptau siiaqty kündelıktı mäselelerge toly ömır jalǧasuda. Qūryltai deputattyǧyna kandidattardyŋ qai öŋırlerge baryp, tūrǧyndarmen qandai taqyryptardy talqylaǧanyna şolu jasaimyz.
«Ädılet» partiiasy studenttermen, oqytuşylarmen, käsıpkerlermen jäne kreativtı industriia ökılderımen tıkelei dialog jürgızu taktikasyn taŋdady. Qostanai oblysynyŋ Borovskoe auylynda kandidat Edıl Hamza jergılıktı tūrǧyndarmen kezdesıp, öŋır üşın özektı mäselelerdı talqylady. Al Batys Qazaqstan oblysynda tūrǧyndar, käsıpkerler, şyǧarmaşylyq sala ökılderı, jastar men eŋbek ūjymdarymen kezdesu öttı. Kezdesu barysynda öŋırdıŋ äleumettık-ekonomikalyq damu mäselelerı qaraldy.
Jalpyūlttyq sosial-demokratiialyq partiia (JSDP) tūrmystyq qaldyqtardy bölek jinau jäne qaita öŋdeu mäselelerın talqylady. Būl taqyryptar auqymdy saiasi mälımdemelerden görı qarapaiym körıngenımen, ärbır tūrǧynnyŋ ömırıne tıkelei qatysty. Tanystyrylymǧa ekologter, mülık ielerı bırlestıkterınıŋ ökılderı men qala tūrǧyndary qatysty. Sonymen qatar Qūryltai deputattyǧyna kandidat Anargül Äbenova jer ülesı ielerımen kezdesıp, jer qatynastaryna qatysty mäselelerdı talqylady.
«Baitaq» partiiasy ärtürlı öŋırlerde ekologiialyq ūiymdar men käsıporyndar ökılderımen bırqatar kezdesu ötkızıp, tabiǧatty qorǧau salasynyŋ sarapşy mamandary qatysqan talqylau ūiymdastyrdy. Kezdesulerdıŋ kün tärtıbıne qaraǧanda, partiia qorşaǧan ortany qorǧau mäselesın basty nazarda ūstap otyr.
Qazaqstannyŋ Halyq partiiasy äleumettık saiasat mäselelerın kün tärtıbıne şyǧardy. Astanada kandidattar Läzzat Aqtaeva men Nūrjan Biiaqaev qalalyq jedel medisinalyq järdem stansiiasyna baryp, därıgerler men feldşerlermen kadr tapşylyǧy, eŋbek jaǧdaiy jäne şūǧyl medisinalyq kömektı ūiymdastyru mäselesın talqylady. Kezdesu barysynda jedel järdem qyzmetınıŋ jūmysy, kadrlyq qamtamasyz etu, medisina qyzmetkerlerınıŋ eŋbek jaǧdaiy jäne şūǧyl medisinalyq kömek körsetu jüiesı qamtyldy.
«Auyl» partiiasynyŋ ökılderı partiia töraǧasy Qairat Aituǧanovtyŋ bastauymen Soltüstık Qazaqstan oblystyq veterinariia basqarmasynyŋ ūjymymen kezdestı. Kezdesu barysynda veterinariialyq qyzmettıŋ jūmysyna qatysty mäseleler talqylanyp, salanyŋ qyzmetıne qatysty özektı mäsele köterıldı.
«Aq jol» demokratiialyq partiiasy öndırıs oryndaryn aralau baǧytyn taŋdady. Tarazda partiia töraǧasy Daniia Espaeva «TarazKojObuv» käsıpornyna baryp, jūmysşylarmen öndırıs sehynda jüzdestı. Al Atyrauda kandidat Ermekqali Iýsupov ITC WEST logistikalyq ortalyǧynda boldy. Eŋbek ūjymdarymen kezdesuler Jambyl, Atyrau, Ūlytau oblystarynda, Qostanai men Şymkentte de öttı. Partiia ökılderı elımızdıŋ özge öŋırlerınde de tūrǧyndarmen jäne eŋbek ūjymdarymen kezdesulerın jalǧastyrdy. Sonymen qatar «Aq jol» kandidattary Respublica partiiasy ökılderınıŋ mälımdemesıne pıkır bıldırdı. Mäjılıstıŋ būrynǧy deputaty Meruert Qazbekova eks-deputat Oljas Köpbekovtıŋ deputattyq saualdarǧa qatysty mälımdemesıne öz közqarasyn bıldırdı.
Respublica partiiasy töraǧasynyŋ orynbasary Janat Ysqaqov TMD halyqaralyq baiqauşylar missiiasynyŋ ökılderımen kezdestı. Taraptar sailau nauqanyna daiyndyqty, sailaualdy ştabtyŋ jūmysyn, ügıt-nasihat jürgızu erekşelıkterın, sifrlyq platformalardy paidalanudy, sondai-aq partiialyq tızımdı jasau men kandidattardy ırıkteu mäselelerın talqylady. Halyqaralyq baiqauşylar missiiasynyŋ ökılderı öz kezegınde jūmystyŋ qaǧidattary men ädısterı turaly aityp berdı. Türkıstanda partiia basşylyǧynyŋ, Qūryltai deputattyǧyna kandidattardyŋ jäne partiia jaqtastarynyŋ qatysuymen forum öttı. Forum barysynda äleumettık-ekonomikalyq kün tärtıbı, zaŋnama jäne özge de mäseleler talqylanyp, partiia ökılderı qatysuşylardyŋ sūraǧyna jauap berdı. Sonymen qatar Respublica partiiasynyŋ töraǧasy Aidarbek Qojanazarov Qazaqstannyŋ Halyq partiiasynyŋ būrynǧy töraǧasy Ermūhamet Ertısbaevtyŋ mälımdemesıne pıkır bıldırıp, partiianyŋ būl mäselege qatysty būdan ary jariia pıkırtalasqa qatyspaitynyn aitty.
Osylaişa, partiialar özderınıŋ dästürlı baǧyttary boiynşa jūmysyn jalǧastyryp jatyr. Bırı ekologiia men äleumettık sala mäselelerıne basymdyq berse, endı bırı öndırıs oryndary men öŋırlerde halyqpen tıkelei dialog ornatuǧa nazar audardy. Sonymen qatar sailau nauqanynyŋ taǧy bır qyry – partiialardyŋ bır-bırın synauy, qarsy taraptyŋ mälımdemelerıne jauap beruı jäne öz ūstanymdarynyŋ ara-jıgın aiqyndauǧa ūmtylysy qatar örbıp jatyr.
