Qazaqstanda Su diplomatiiasy departamentı qūryldy. Būl turaly Su resurstary jäne irrigasiia ministrlıgı jariialady, dep habarlaidy "Adyrna".
Aqparatqa säikes, zaŋa departament su diplomatiiasy salasyndaǧy memlekettık saiasatty damytu men üilestıruge jauapty bolady.
Departament Qazaqstannyŋ transşekaralyq su resurstary mäselelerı boiynşa jūmysyn üilestıredı: būǧan halyqaralyq komissiialarǧa qatysudan bastap, kelıssözder jürgızu men özge memlekettermen kelısımder jasasuǧa deiıngı mındetter kıredı.
Qazaqstannyŋ bas su diplomaty bolyp Daniiar Şärıp taǧaiyndaldy.
Daniiar Esenūly Şärıp 1992 jyly Almaty oblysynda düniege kelgen. Äl-Farabi atyndaǧy Qazaq ūlttyq universitetın "Gidrologiia" mamandyǧy boiynşa, sondai-aq Kaspii qoǧamdyq universitetın "Qūqyqtanu" mamandyǧy boiynşa tämamdaǧan.
Eŋbek jolyn 2015 jyly Auyl şaruaşylyǧy ministrlıgı Su resurstary komitetınıŋ Su şaruaşylyǧy qūrylystaryn paidalanu jäne damytu basqarmasynda sarapşy mındetın atqaruşy retınde bastaǧan. Keiın sarapşy jäne bas sarapşy qyzmetterın atqardy.
2019 jyly Auyl şaruaşylyǧy ministrlıgınıŋ Transşekaralyq özender departamentı Transşekaralyq özender basqarmasynyŋ bas sarapşysy boldy.
2019-2023 jyldary Ekologiia, geologiia jäne tabiǧi resurstar ministrlıgınıŋ Transşekaralyq özender departamentınde bas sarapşy, keiın Transşekaralyq özender basqarmasynyŋ basşysy qyzmetterın atqardy.
2023-2024 jyldary Qazaqstan Respublikasy Ükımetı apparatynyŋ bas inspektory boldy.
2024 jyldan bügınge deiın Su resurstary jäne irrigasiia ministrlıgınıŋ Halyqaralyq yntymaqtastyq departamentı direktorynyŋ orynbasary, keiın osy departamenttıŋ direktory qyzmetın atqardy.
