Almaty oblystyq Süiınbai atyndaǧy filarmoniianyŋ önerpazdary Belarus Respublikasynyŋ Vitebsk oblysy Glybokae qalasynda 24-25-şı şılde künderı ötken halyqaralyq «Şie» etnofestivalıne qatysyp, qazaqtyŋ töl önerın laiyqty tanystyrdy.
Halyqaralyq mädeni şarada filarmoniia qūramyndaǧy «Qobyz saryny» folklorly-etnografiialyq ansamblı men «Altynai» memlekettık halyq bi ansamblı öner körsetıp, festival qonaqtarynyŋ ystyq yqylasyna bölendı.
2013 jyldan berı dästürlı türde ūiymdastyrylyp kele jatqan «Şie» festivalıne Qazaqstan, Mianma, Resei jäne Belarus Respublikasynyŋ şyǧarmaşylyq ūjymdary qatysty. Festivaldıŋ saltanatty aşylu räsımınde Vitebsk oblystyq deputattar keŋesınıŋ töraǧasy Dmitrii Vladimirovich Demidov qatysuşylarǧa sättılık tıledı.
– Glybokae qalasy – Belarustıŋ şie astanasy. Şielı baqtary men körkem kölderınıŋ ortasynda ornalasqan şaǧyn qalamyzǧa qoş keldıŋızder! Öner halyqtardy jaqyndastyryp, bır-bırımızdıŋ mädenietımızdı tereŋırek tanuǧa mümkındık beredı. Bızdıŋ basty maqsatymyz – etnostar arasyndaǧy dostyq pen özara qūrmettı nyǧaitu, ūlttyq öner men dästürdıŋ sabaqtastyǧyn saqtap, ony keiıngı ūrpaqqa jetkızu, – dedı Dmitrii Demidov.
Festival aiasynda «Qobyz saryny» folklorly-etnografiialyq ansamblınıŋ körkemdık jetekşısı Beknazar Qalekeev bastaǧan Samat Qarabalaev, Nūrsūltan Egemberdı, Ämina Aqylbek, Serık Jūmaǧali, Aidana Jakman syndy muzykanttar qazaqtyŋ «Aqqu» jäne «Aqyrtas» küilerın oryndap, körermenderdıŋ zor qoşemetıne ie boldy.
Al «Altynai» memlekettık halyq bi ansamblınıŋ jetekşısı Begzat Aǧiiarūly bastaǧan bişıler – Äsel Köbegen, Synbat Ötegenova, Aiajan Dosqanova jäne Äsel Serıkbai ūlttyq bilerdıŋ körkem ülgılerın sahnalap, festivaldıŋ qorytyndy konsertınde oryndalǧan «Qara jorǧa» biımen jinalǧan köpşılıktı erekşe täntı ettı.
Almaty oblystyq Süiınbai atyndaǧy filarmoniianyŋ direktory Säbit Äbdıhalyqov halyqaralyq festivaldıŋ maŋyzyna toqtaldy.
– Būl festivalde är memleket özınıŋ ūlttyq mädenietı men önerın tanystyrady. Bız qazaqtyŋ qobyz önerın jäne sonau 1980-jyldary memleket jäne qoǧam qairatkerı Özbekälı Jänıbekovtıŋ bastamasymen qūrylyp, özı atau bergen «Altynai» bi ansamblın alyp keldık. Osyndai halyqaralyq öner merekelerı täjıribe almasuǧa, käsıbi tūrǧydan şyŋdaluǧa zor mümkındık beredı. Eŋ bastysy – qazaq halqynyŋ bai mädenietı men önerın älemge tanytuǧa qyzmet etedı. Bızdıŋ ūjymdy ünemı qoldap kele jatqan Almaty oblysynyŋ basşysy Marat Sūltanǧaziev pen mädeniet basqarmasyna alǧys bıldıremız, – dedı ol.
Festival barysynda Minsk qalasyndaǧy Qazaqstan Respublikasynyŋ Elşılıgınıŋ keŋesşısı Raşid Ravilūly da arnaiy qatysyp, Almaty oblysynyŋ önerpazdaryna qoldau bıldırdı.
Belarus törınde ötken halyqaralyq festival qazaq önerınıŋ mereiın üstem etıp, Süiınbai atyndaǧy filarmoniia ūjymynyŋ käsıbi deŋgeiı men ūlttyq mädeniettı halyqaralyq deŋgeide nasihattaudaǧy äleuetın taǧy bır märte aiqyndady.
Qanat İsa
