Qazaqstannyŋ Almaty qalasy men İrannyŋ Şyǧys Äzerbaijan provinsiiasyndaǧy Tebriz qalasy jaqyn uaqytta bauyrlas qalalar märtebesıne ie boluy mümkın. Qazırgı taŋda osyǧan qatysty ekıjaqty kelısımge qol qoiu jūmystary jürgızılude. Būl turaly Mehr News jazdy, dep habarlaidy "Adyrna".
Būl turaly Tebrizdıŋ jergılıktı būqaralyq aqparat qūraldary habarlady. Mälımetke säikes, Tebriz qalasynyŋ äkımı Iаkub Huşiar İrandaǧy Qazaqstan Respublikasynyŋ Tötenşe jäne Ökılettı Elşısı Ontalap Oŋalbaevpen kezdesude bauyrlastyq turaly kelısımdı räsımdeu baǧytyndaǧy jūmystardyŋ jalǧasyp jatqanyn aitty.
Kezdesu barysynda qala äkımı Tebrizdıŋ tarihi, mädeni, ǧylymi, öndırıstık jäne ekonomikalyq äleuetıne toqtalyp, elşınıŋ sapary Qazaqstan men İran arasyndaǧy öŋıraralyq yntymaqtastyqty nyǧaituǧa yqpal etetınıne senım bıldırdı. Onyŋ aituynşa, taraptar mädeniet, äleumettık bailanystar, ekonomika jäne kölık-logistika salalaryndaǧy özara ärıptestıktı damytuǧa müddelı.
Aita keteiık, Almaty men Tebrizdı bauyrlas qalalar retınde jariialau turaly bastama alǧaş ret 2016 jyly Tebriz qalalyq keŋesı tarapynan köterılgen bolatyn. Alaida būl ūsynys osy uaqytqa deiın ıs jüzınde jüzege asyrylmaǧan.
Eger kelısımge qol qoiylsa, Almaty men Tebriz arasyndaǧy ärıptestık ekı qala arasyndaǧy mädeni-gumanitarlyq bailanystardy keŋeitıp, sauda-ekonomikalyq jäne investisiialyq yntymaqtastyqty damytuǧa jaŋa mümkındıkter aşady.
