Omby oblysyndaǧy qazaq ūlttyq-mädeni avtonomiiasy Soǧys ardagerlerıne arnalǧan gospital maŋyndaǧy gülzarǧa belgılı jazuşy Kemel Toqaevtyŋ esımın berudı ūsyndy, dep habarlaidy «Adyrna» tılşısı.
Äŋgıme Gagarin köşesınde ornalasqan aumaq turaly bolyp otyr.
«1945 jylǧy 21 qaŋtarda 7-şı jeke gvardiialyq Qyzyl Tuly tank polkınıŋ avtomatşylar bölımşesınıŋ komandirı, gvardiia serjanty Kemel Toqaev aiaǧynan oq tiıp jaralandy. 1945 jyldyŋ aqpan aiynda ol Omby qalasyndaǧy №1494 evakuasiialyq gospitalde (qazırgı Soǧys ardagerlerıne arnalǧan gospital – red.) emdeldı. Sol jerde därıgerler onyŋ jaralanǧan aiaǧyn amputasiiadan saqtap qaldy», — delıngen tüsındırme jazbada.
Gülzarǧa atau beru turaly tüpkılıktı şeşım Omby qalalyq keŋesınıŋ jalpy otyrysynda qabyldanady.
Eske salaiyq, 2020 jyly Soǧys ardagerlerıne arnalǧan gospital ǧimaratynda Kemel Toqaevqa arnalǧan memorialdyq taqta ornatylǧan edı.
Kemel Toqaev (1923-1986) – prezident Qasym-Jomart Toqaevtyŋ äkesı, Ūly Otan soǧysynyŋ qatysuşysy. I jäne II därejelı Otan soǧysy ordenımen, «Erlıgı üşın» medalımen ekı marapattalǧan. Sondai-aq ol – qazaq detektiv janrynyŋ negızın qalauşylardyŋ bırı.
