Qara teŋızde qazaq mūnaiyn tasymaldaityn Chevron kompaniiasynyŋ tankerıne drondar şabuyl jasady. Būl turaly bügın, 8 şıldede Reuters agenttıgı jazdy, dep habarlaidy «Adyrna» tılşısı.
Derekközderdıŋ bırınıŋ aituynşa, Yasa Polaris tankerı Kaspii qūbyr konsorsiumy terminalyna jaqyndaǧan kezde ūşqyşsyz ūşu apparatynyŋ soqqysyna ūşyraǧan.
Agenttık mälımetınşe, Chevron kompaniiasy oqiǧany rastaǧanymen, onyŋ kompaniianyŋ operasiialyq qyzmetı men eksporttyq jetkızılımderıne äser etpegenın mälımdegen.
«Ekipaj qauıpsız jerde, kemenıŋ jaǧdaiy qalypty. Tanker qauıpsız portqa baǧyt aldy. Bız keme operatorymen jäne qūzyrly organdarmen bailanysyp jatyrmyz», – dep habarlady kompaniia ökılderı.
Oqiǧaǧa qatysty pıkır bıldırgen Resei basşysy Vladimir Putinnıŋ baspasöz hatşysyDmitrii Peskov mūny halyqaralyq energetikalyq infraqūrylymǧa qarsy baǧyttalǧan «Kiev rejimınıŋ terroristık äreketı» dep atady. Reseidıŋ būǧan qalai jauap beretını turaly sūraqqa Peskov arnaiy äskeri operasiia jalǧasatynyn aitty.
Aita keteiık, KQK arqyly Qazaqstan mūnaiynyŋ şamamen 80 paiyzy eksporttalady. Qūbyr jelısı Qazaqstannyŋ batysyndaǧy Teŋız ken orny men özge de ken oryndaryn Novorossiisk maŋyndaǧy teŋız terminalymen bailanystyrady. KQK aksionerlerı qatarynda Resei (31%), Qazaqstan (20,75%), Chevron (15%) jäne bırqatar jekemenşık kompaniia bar.
