Memleket basşysy Qasym-Jomart Toqaev Donald Trampqa Amerika Qūrama Ştattarynyŋ Täuelsızdık künıne orai qūttyqtau jedelhatyn joldady, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Prezident AQŞ täuelsızdıgınıŋ 250 jyldyǧynyŋ tarihi maŋyzyna toqtalyp, būl kün amerikalyq halyqtyŋ bostandyq, teŋdık jäne ädıldık qaǧidattaryna adaldyǧynyŋ simvoly ekenın atap öttı.
Sondai-aq Qasym-Jomart Toqaev Donald Tramptyŋ Qazaqstan men AQŞ arasyndaǧy qarym-qatynastyŋ serpındı damuyna qosqan jeke ülesın joǧary baǧalap, keŋeitılgen strategiialyq serıktestıktı odan ärı nyǧaituǧa daiyn ekenın jetkızdı.
Memleket basşysy Donald Trampqa jauapty memlekettık qyzmetınde tabys, al AQŞ halqyna baq-bereke men ösıp-örkendeu tıledı.
Amerika Qūrama Ştattary bügın el täuelsızdıgınıŋ 250 jyldyǧyn atap ötude. Osydan tura 250 jyl būryn, 1776 jylǧy 4 şıldede Filadelfiia qalasynda Amerika Qūrama Ştattarynyŋ Täuelsızdık deklarasiiasynyŋ qabyldanuy maqūldandy.
Qūjatty Ekınşı Kontinenttık kongress qabyldap, Soltüstık Amerikadaǧy Ūlybritaniianyŋ būrynǧy 13 otary öz täuelsızdıgın jariialady. Osylaişa, keiın älemdegı eŋ ırı ekonomikalardyŋ bırıne ainalǧan Amerika Qūrama Ştattary qūryldy.
Mereitoiǧa orai AQŞ prezidentı Donald Tramp Freedom 250 atty auqymdy merekelık baǧdarlamany ūiymdastyrudy qolǧa aldy. Negızgı ıs-şaralar Vaşington qalasynda ötedı
