«Kislo-Sladkii» laqap atymen tanymal qazaqstandyq reper Darhan Jūmabek Tailandta ızdestırılıp jatyr. Muzykanttyŋ joǧalyp ketkenı turaly qazaqstandyq rejisser Parasat İbraev jelıde mälımdedı, dep habarlaidy "Adyrna".
Rejisserdıŋ aituynşa, reper taŋerteŋ Phuket qalasynan Bangkok qalasyna ūşuy tiıs bolǧan, alaida onymen bailanysu mümkın bolmaǧan.
Sondai-aq ol köşı-qon polisiiasyna jügıngenın jäne muzykanttyŋ syrt kelbetı körsetılgen ızdeu paraǧy daiyndalǧanyn mälımdedı.
Äleumettık jelılerde de Darhan Jūmabektıŋ joǧalǧany turaly aqparat taraǧan. Jariialanǧan mälımetterge säikes, ony soŋǧy ret Pattaia qalasynda körgen boluy mümkın.
Jaǧdaiǧa qatysty tüsınıkteme bergen Qazaqstan Respublikasy Syrtqy ıster ministrlıgı Tailandta Qazaqstan azamatynyŋ joǧalyp ketkenı turaly aqparattan habardar ekenın mälımdedı.
“Qazaqstan Respublikasy Syrtqy ıster ministrlıgıne Tailandta Qazaqstan azamatynyŋ joǧalyp ketkenı turaly aqparat belgılı. Bızdıŋ diplomattar jergılıktı qūqyq qorǧau organdarymen jäne Tailandtyŋ qūzyrettı qyzmetterımen tūraqty bailanysta. Qajettı ızdestıru şaralary jürgızılıp jatyr. Mäsele ministrlıktıŋ baqylauynda”, — dep habarlady vedomstvo.
