Mıanma respýblıkasynda kúshi 7,7 baldyq joıqyn jer silkinisi boldy. Bul týraly búgin AQSh Geologııalyq qyzmeti málimdedi, dep habarlaıdy “Adyrna” ulttyq portaly.
Aqparat boıynsha, kúndiz Mıanmanyń ortalyq bóliginde joıqyn jer silkinisi bolǵan. Jer silkinisiniń magnıtýdasy – 7,7 ball.
CNN alǵashqy jer silkinisinen 12 mınýt ótkende aımaqta magnıtýdasy 6,4 baldyq jerasty dúmpýi bolǵanyn habarlady.
"Biz shamamen bir mınýttaı jer silkinip turǵanyn sezdik. Sosyn ǵımarattan júgirip shyqtyq. Basqa adamdardyń da júgirip shyǵyp jatqanyn kórdik. Bul kenetten ári qatty boldy", - deıdi basylymǵa atyn jasyryn qalǵanyn ótingen Mıanma astanasy Iangon qalasynyń turǵyny.
Basylym tilshileriniń habarlaýynsha, jerasty dúmpýleri Taıland astanasy Bangkokta da sezilgen.
Associated Press jazǵandaı, Bangkok jer silkinisi saldarynan kópqabatty úılerden turǵyndardy evakýaııalaı bastady. Basylym jer silkinisiniń shamamen 10 mınýtqa sozylǵanyn habarlady.
Jer silkinisinen zardap shekken nemese qaza bolǵandar týraly ázirge aqparat joq.
