Jýrnalıst Oleg Kashın reseılik telejúrgizýshi Tıgran Keosaıannyń ınstıtýtqa túsýine kim kómekteskenin aıtty, dep jazady "Adyrna" ulttyq portaly.
Oleg Kashınniń habarlaýynsha, Tıgran Keosaıannyń S.A.Gerasımov atyndaǵy Búkilreseılik memlekettik kınematografııa ınstıtýtyna túsýine ákesi Edmond Keosaıan tikeleı yqpal etken. Sondaı-aq Keosaıan ákesiniń bedelin paıdalanyp, qabyldaý emtıhandaryn tapsyrmaı, ákesiniń arqasynda birden JOO stýdenti atanǵan.
«Bul naǵyz "tamyr-tanystyq" edi. Tipti reseılik «Izvestııa» gazetinde rejısser Edmond Keosaıannyń ulyna qatysty maqala da jarııalanǵan. Onda Tıgran Keosaıannyń ákesi óziniń yqpalyn paıdalanyp ulyn S.A.Gerasımov atyndaǵy Búkilreseılik memlekettik kınematografııa ınstıtýtyna túsirýge tyrysqany jaıly aıtylǵan. Bul rette bolashaq telejúrgizýshiniń kileń "ekige" oqyǵanyn atap ótken jón. Ol jan túrshigerlik qysymnyń kómegimen ǵana oqýǵa túsip ketti. BMKI jınalysynda bul jaǵdaı talqylanbady da. Osylaısha, Tıgran Keosaıan oqýǵa osyndaı jolmen túsip, ony sátti aıaqtap shyqqan jalǵyz stýdent. Ol kileń ekige oqıtyn majorık boldy", - dep jazdy jýrnalıst.
"Adyrna" ulttyq portaly
