15 mausymda Europalyq odaq Ukraina men Moldovany EO qūramyna qabyldau jönındegı resmi kelıssözderdıŋ alǧaşqy kezeŋın bastaidy, dep habarlaidy “Adyrna” ūlttyq portaly.
DW deregınşe, būl turaly Europalyq komissiianyŋ töraiymy Ursula fon der Liaien men Europalyq keŋestıŋ töraǧasy Antoniu Koşta mälımdedı.
Olardyŋ aituynşa, EO-ǧa müşe barlyq 27 memleket Ukraina men Moldovamen kelıssözderdıŋ alǧaşqy blogyn aşuǧa kelısken. Europalyq saiasatkerler būl şeşımdı ekı eldıŋ reformalardy jüzege asyrudaǧy tabandylyǧy men batyldyǧyna berılgen baǧa dep atady.
«Būl qadam Ukraina men Moldovanyŋ qiyn jaǧdailarǧa qaramastan jürgızgen reformalaryna degen qūrmettıŋ belgısı», – delıngen mälımdemede.
EO basşylyǧy odaqtyŋ keŋeiuın qazırgı geosaiasi jaǧdaida maŋyzdy strategiialyq şeşım retınde baǧalap otyr. Sonymen qatar, Vengriianyŋ qarsylyǧy alynǧannan keiın Euroodaq elderı alǧaşqy kelıssözder klasterı boiynşa ortaq ūstanymǧa kelgenı habarlandy.
Kelıssözderdıŋ bırınşı kezeŋı demokratiia, zaŋ üstemdıgı, adam qūqyqtary jäne negızgı europalyq qūndylyqtarǧa arnalady. Jalpy alǧanda, müşelıkke qabyldau üderısı alty klasterden tūrady jäne ondaǧan baǧytty qamtidy.
Kelıssözder tolyq aiaqtalǧannan keiın Ukraina men Moldovanyŋ Europalyq odaqqa qosyluyn barlyq 27 müşe memleket bekıtıp, ratifikasiialauy tiıs.
