Resei prezidentı Vladimir Putinnıŋ Astanaǧa jasaǧan memlekettık sapary aiaqtaldy. Būl turaly 29 mamyrda Aqordanyŋ baspasöz qyzmetı jazdy, dep habarlaidy «Adyrna» tılşısı.
Mälımetke säikes, prezident Qasym-Jomart Toqaev Resei basşysyn elorda äuejaiynan özı şyǧaryp salǧan.
«Qasym-Jomart Toqaev elımızge memlekettık sapary aiaqtalǧan Resei Prezidentı Vladimir Putindı elorda äuejaiynan şyǧaryp saldy»,– delıngen habarlamada.
Eske salaiyq, Vladimir Putin Qazaqstanǧa 27 mamyr künı Qasym-Jomart Toqaevtyŋ şaqyruymen kelgen bolatyn. Kelıssözder barysynda taraptar Qazaqstan men Resei arasyndaǧy jan-jaqty strategiialyq ärıptestık pen odaqtastyq qatynastardy nyǧaitudyŋ qazırgı jai-küiı men keleşegın talqylady. Sondai-aq ekı el basşysy dostyq pen tatu körşılık turaly bırlesken mälımdeme qabyldady.
