AQŞ prezidentı Donald Tramp Qytai Halyq Respublikasyna jasaǧan üş kündık memlekettık saparyn aiaqtap, Vaşingtonǧa qaityp ūşty. Sapar aiasynda ol Pekinde Qytai töraǧasy Si Szinpinmen jabyq formatta kezdesu ötkızıp, tüskı asqa qatysty.
Kezdesu Qytaidyŋ Ükımet rezidensiiasy - Chjunnanhaida öttı. Kelıssözder barysynda Taiau Şyǧystaǧy jaǧdai men İranǧa qatysty şielenıs negızgı taqyryptardyŋ bırı boldy. Taraptar İrannyŋ iadrolyq qaruǧa ie boluyna jol bermeu jäne Ormuz būǧazyndaǧy teŋız qatynasynyŋ erkındıgın saqtau qajettıgı jönınde ortaq ūstanym bıldırdı.
Sonymen qatar ekı el köşbasşylary Taivan mäselesın, AQŞ-tyŋ jartylai ötkızgış chipter eksportyna engızgen şekteulerdı jäne ekıjaqty sauda qatynastaryn talqylady.
AQŞ delegasiiasynyŋ qūramy erekşe boldy. Prezidentpen bırge Qarjy ministrı Skott Bessent, otbasy müşelerı, sondai-aq ırı tehnologiialyq kompaniialardyŋ jetekşılerı - İlon Mask, Tim Kuk jäne Nvidia kompaniiasynyŋ basşysy Djensen Huang qatysty. Huang Aliaskadaǧy janarmai qūiu kezınde delegasiiaǧa qosylǧan.
Sarapşylardyŋ pıkırınşe, ırı tehnologiia kompaniialary basşylarynyŋ saparǧa qatysuy Qytai naryǧyna qoljetımdılıktı keŋeitu jäne ekı el arasyndaǧy sauda şielenısın jūmsartu maqsatymen bailanysty.
Donald Tramp 2017 jyldan berı alǧaş ret Qytaiǧa jasalǧan būl sapardy «absoliuttı tabys» dep baǧalady. Onyŋ aituynşa, bırqatar tiımdı kelısımder jasalyp, būrynǧy tüitkıldı mäseleler şeşılgen.
Sapar qataŋ qauıpsızdık şaralary aiasynda öttı. Būl Vaşington men Pekin arasyndaǧy diplomatiialyq jäne ekonomikalyq şielenıstı azaituǧa baǧyttalǧan maŋyzdy kelıssözderdıŋ bırı retınde baǧalanyp otyr.
