Timur Qūlybaevtyŋ Halyk qaiyrymdylyq qory elımızdıŋ är öŋırınen jinalǧan 112 qazaqstandyqqa qajylyq saparyna joldama tabystady.
Qasiettı saparǧa joldama alǧandardyŋ qatarynda el ışındegı qarapaiym eŋbek adamdary, auyl-aimaqtyŋ aqsaqaldary men analary, meşıtte tazalyqşy bolyp adal qyzmet etıp jürgen jandar bar. Olardyŋ köpşılıgı üşın būl sapar ūzaq jyldar boiy josparlap jürgen maŋyzdy oqiǧa.
Joldama iegerlerınıŋ bırı Auyl Sport jobasynyŋ öŋırlık turnirıne qatysqan Jasūlan esımdı balanyŋ ata-apasy. Bala jarys kezınde ata-apasyn qajylyqqa aparǧysy keletının aitqan bolatyn. Būl ötınışke nazar audarǧan qor otbasyǧa joldama beru turaly şeşım qabyldady.
Joba aiasyndaǧy qor qarajaty qajylardyŋ jol şyǧynyna, äue biletterıne, Mekke men Mädina qalalaryndaǧy tūrǧyn üi men kölık qyzmetıne, tamaqtanuyna jäne sapardy ūiymdastyruǧa baǧyttalǧan. Sapardy «Hikmet» tur operatory ūiymdastyryp otyr.
Aita keteiık, qajylyqqa joldama alǧan azamattar Qazaqstannyŋ tükpır-tükpırınen ırıktelgen. Olardyŋ arasynda äielder de, erler de bar. Jas erekşelıgı de, käsıbı de ärtürlı.
16 mamyrda qajylar Almaty äuejaiynan Mädina men Mekke qalalaryna attanady. Halyk qory būl igı bastamany üşınşı jyl qatarynan jalǧastyryp keledı. 2023 jyly 20 adamǧa, 2025 jyly 20 adamǧa qajylyq saparyna sertifikat tabystalsa, biyl 112 adamǧa joldama tabystaldy.
Halyk qorynyŋ Atqaruşy direktory Ǧalymbek Jaqsylyqūly joba turaly bylai dedı:
«Qajylyq köp otbasy üşın maŋyzdy, bıraq köbıne qoljetımsız sapar. Bız būl joba arqyly öŋırlerdegı qarapaiym adamdarǧa eŋbek ardagerlerıne, auyl tūrǧyndaryna, kündelıktı adal qyzmet etetınderge qoldau körsetuge tyrystyq. Būl adal eŋbekke degen qūrmet».
Türkıstan oblysynan kelgen Baizaqova Zina joldama turaly habardy kütpegen qoldau retınde qabyldaǧanyn aitty:
«Būl men üşın köpten josparlap jürgen sapar, bıraq qarapaiym otbasyǧa ony öz qarajatyna ūiymdastyru oŋaiǧa soqpaityn. Qordan habarlasqanda, alǧaşynda senbegen edım. Keiın bärı rastalǧanda, qatty tolqydym. Qoldau körsetken qorǧa alǧys bıldıremın», - dedı ol.
Halyk qaiyrymdylyq qory el tūrǧyndaryna baǧyttalǧan äleumettık jobalardy aldaǧy uaqytta da jalǧastyratynyn mälımdedı.
