Beijıŋ Taivanmen beibıt jolmen qosyludy közdeidı. Alaida küş qoldanudan bas tartuǧa uäde bermeidı. Būl turaly jeksenbıde QHR töraǧasy, Qytai Kompartiiasynyŋ bas hatşysy Si Szinpin QKP-nyŋ 20-şy sezınde aitty, dep habarlaidy “Adyrna” ūlttyq portaly.
"Bız beibıt qaita bırıgu perspektivasyn ūstanamyz. Bıraq eşqaşan küş qoldanudan bas tartuǧa uäde bermeimız. Taivan täuelsızdıgın jaqtaityn syrtqy küşter men öte az separatisterdıŋ aralasuyna, sondai-aq olardyŋ bölınu äreketterıne qarsy barlyq qajettı şarany qoldanamyz", - dedı ol.
Sondai-aq Si Szinpin mūndai äreketter Taivan tūrǧyndarynyŋ köpşılıgıne qarsy baǧyttalmaitynyn atap öttı. Ol būǧan deiın Qytai eşqaşan gegemoniiaǧa ūmtylmaitynyn nemese ekspansionizmmen ainalyspaitynyn aitqan bolatyn.
"Qytai gegemonizm men küş saiasatynyŋ barlyq türıne, qyrǧi qabaq soǧys mentalitetıne, basqa elderdıŋ ışkı ısıne aralasuǧa jäne qos standarttarǧa üzıldı-kesıldı qarsy”,-dedı ol.
Ūqsas jaŋalyqtar
