Antarktika baǧytynda jürgen MV Hondius kruizdık kemesınde tırkelgen hantavirus ındetı kezınde bortta Qazaqstan azamattary bolmaǧan, dep habarlaidy "Adyrna" ūlttyq portaly.
Būl turaly eldıŋ syrtqy ıster ministrlıgı mälımdedı.
SIM resmi ökılı Erlan Jetıbaevtyŋ aituynşa, İspaniia densaulyq saqtau ministrlıgınıŋ derekterıne säikes, atalǧan kemedegı jolauşylar arasynda Qazaqstan azamattary tırkelmegen.
Būǧan deiın MV Hondius kruizdık lainerınde hantavirus infeksiiasynyŋ taraluy tırkelgenı habarlanǧan bolatyn. Keme 1 säuırde Argentinanyŋ Uşuaiia qalasynan Antarktika men Oŋtüstık Atlantikadaǧy şalǧai araldarǧa ekologiialyq kruizge şyqqan. Keme bortynda 23 elden kelgen 149 adam bolǧan.
Aldyn ala mälımet boiynşa, ındet saldarynan 11 adam virus jūqtyrǧan. Qazırgı uaqytqa deiın üş adam köz jūmdy. Olardyŋ qatarynda Niderland azamaty men onyŋ jūbaiy, sondai-aq Germaniia azamaty bar. Jaǧdaiǧa qatysty BŪŪ arnaiy pıkır bıldırgen.
