Türkıstandaǧy 5574 äskeri bölımınde Otan qorǧauşylar künı qarsaŋynda äskeri plas-konsert ūiymdastyryldy.
Saltanatty jiynǧa oblystyq Polisiia departamentı, Qorǧanys ısterı jönındegı departamentı, Tötenşe jaǧdailar departamentı ökılderı, aumaqtyq qorǧanys brigadasy, Ūlttyq ūlan äskerlerı, ardagerler men jas sarbazdar qatysty. Türkıstan oblysynyŋ äkımı Nūralhan Köşerov köpşılıktı merekemen qūttyqtady.
– Qūrmettı ardagerler! Aibyndy sardarlar men sarbazdar! Sızderdı 7 mamyr – Otan qorǧauşylar künımen şyn jürekten qūttyqtaimyn! Tuǧan jerdı qorǧau – är azamattyŋ qasiettı boryşy. Batyr babalarymyz el üşın jan qiyp, täuelsızdıktı amanat ettı. Sol amanatqa adal bolu – bügıngı buynnyŋ mındetı. Elımızdıŋ tarihynda erlık pen otanşyldyq qasietter ärdaiym biık tūrǧan. El qorǧanysyn nyǧaitu – memleketımızdıŋ basty mındetterınıŋ bırı. Memleket basşysy Qasym-Jomart Kemelūly Toqaev: «El qauıpsızdıgı men şekarasyn qas qaqpai küzetu, zaŋ men tärtıp üstemdıgın qamtamasyz etu – jauapty ärı qasterlı mındet. Mūny tek käsıbi deŋgeiı joǧary, ant pen boryşqa adal, el üşın aianbaityn batyl jandar ǧana atqara alady» degen bolatyn. Sondyqtan jastarymyzdyŋ boiynda otanşyldyq ruhty qalyptastyru – asa maŋyzdy. Türkıstan öŋırınde būl baǧytta jüielı jūmystar jürgızılude. Qazaq halqy – ejelden er jürek, namysty halyq. Erlık pen otanşyldyq – qanymyzǧa sıŋgen qasiet. Būl qasietter ūrpaqtan-ūrpaqqa jalǧasyp, eldıŋ tūtastyǧyn saqtauǧa qyzmet etıp keledı. Barşaŋyzdy aituly merekemen taǧy da qūttyqtaimyn! Elımızdıŋ aibyny asqaq, şekarasy berık, aspany aşyq bola bersın! Täuelsızdıgımız mäŋgılıkke ūlassyn! – dedı Nūralhan Köşerov.
Öŋır basşysy el qauıpsızdıgın qamtamasyz etu jolyndaǧy mınsız qyzmetı üşın bırqatar äskeri qyzmetşını marapattady.
Otanşyldyq därıptelgen ıs-şarada «Oŋtüstık» öŋırlık qolbasşylyǧy äskerlerınıŋ qolbasşysy, general-maior Erjan Ybyraev jäne «Qaruly Küşterınıŋ ardagerlerı» respublikalyq qoǧamdyq bırlestıgınıŋ Türkıstan oblystyq filialynyŋ töraǧasy Babai Aldabergenov qūttyqtau söz söilep, äskeri qyzmettıŋ maŋyzy men ūrpaq tärbiesındegı rölın atap öttı. Odan keiın oblys basşysy men ardagerler äskeri tehnikalardy körıp, sarbazdarmen pıkır almasty.
Saltanatty jiyn merekelık konserttık baǧdarlamaǧa ūlasyp, patriottyq änder şyrqaldy.
Aita keteiık, ötken jyly Türkıstan oblysynan 5 myŋdai jıgıt äsker qataryna qosyldy. Biyl da būl ürdıs jalǧasyp, öŋır jastary Qazaqstan Qaruly küşterınıŋ qataryn tolyqtyryp jatyr.
