Qazaqstan men Qytai şekarasyndaǧy «Qorǧas» halyqaralyq şekaralyq yntymaqtastyq ortalyǧynda jük tasymaldaityn kölıkter örtendı, dep habarlaidy «Adyrna» tılşısı.
Jetısu oblystyq TJD mälımetınşe, oqiǧa 4 mamyr künı bolǧan.
«Ört Qytai Halyq Respublikasy jaǧyndaǧy şekara maŋynda bolǧan. Osyǧan bailanysty Qazaqstannyŋ “101” jäne “112” jedel qyzmet pultterıne eşqandai habarlama tüsken joq, öitkenı būl aumaq Qytaiǧa tiesılı», – delıngen habarlamada.
Vedomstvo mälımetınşe, örttıŋ sebepterı men män-jaiyn körşıles eldıŋ qūzyrly organdary anyqtap jatyr.
Aita keteiık, ört jyldam taralyp, qoima ǧimaratyn tolyqtai joiǧan. Onymen bırge Qazaqstanǧa jöneltıluge daiyn tūrǧan tauar tielgen 17 jük kölıgı örtenıp ketken. Kölıkterdıŋ naqty sany men keltırılgen şyǧyn kölemı älı naqtylanuda.
