Aqordada elımızge resmi saparmen kelgen İzrail Prezidentı İshak Gersogty saltanatty qarsy alu räsımı öttı, dep habarlaidy "Adyrna".
Prezidentter bır bırıne delegasiia müşelerın tanystyrǧannan keiın Qūrmet qarauylynyŋ bastyǧy raport berıp, ekı eldıŋ änūrandary oryndaldy.
Memleket basşysy Qasym-Jomart Toqaev pen İzrail Prezidentı İshak Gersog şaǧyn qūramda kelıssöz jürgızdı.
Qasym-Jomart Toqaev İshak Gersogpen elımızdıŋ törınde jüzdeskenıne quanyşty ekenın aitty.
“Eŋ äuelı, ekı el arasyndaǧy qarym-qatynastyŋ ırgesın qalauǧa Sızdıŋ äkeŋız, İzrail Memleketınıŋ būrynǧy Prezidentı Haim Gersogtyŋ erekşe eŋbek sıŋırgenın atap ötkım keledı. 1992 jyldan berı qos halyq ortasynda tyǧyz dostyq bailanys ornady. Özara yntymaqtastyqta, äsırese, ekonomika jäne saiasi baǧyttarda eleulı tabysqa qol jetkızdık. Elımız İbrahim kelısımderıne qosylu turaly şeşım qabyldady. Būl qadam Taiau Şyǧys elderı men İzrail arasyndaǧy qarym-qatynastyŋ qalpyna keluıne Qazaqstannyŋ da üles qosuǧa daiyn ekenın körsetedı. Bügın bız özara ekonomikalyq bailanystarymyzǧa qatysty köptegen mäselenı talqylaimyz. Öitkenı ekıjaqty yntymaqtastyqtyŋ äleuetı zor. Būl mümkındıktı meilınşe paidalanu kerek”, – dedı Memleket basşysy.
İzrail Prezidentı 1993 jyly Qazaqstanǧa sapar jasaǧan äkesı Haim Gersogtyŋ ızın jalǧap Aqordaǧa kelgenı üşın quanyşty ekenın jetkızdı.
“Qazaqstanǧa ünemı kelgım keletın edı. Mūny şyn jürekten aityp otyrmyn. Öitkenı qazaq jerınıŋ körkem tabiǧaty men qazaq halqynyŋ keremet mädenietı turaly köp estıdım. Menımen bırge özara serıktestıgımızge, äsırese, joǧary tehnologiialar salasyndaǧy yqpaldastyqqa tyŋ serpın beretın sarapşylar keldı. Älem jaŋa däuırge qadam basqan kezeŋde elderımız arasyndaǧy yntymaqtastyqtyŋ äleuetı orasan zor”, – dedı İshak Gersog.
Sonymen qatar İzrail Prezidentı Qazaqstannyŋ İbrahim kelısımderıne qosylu jäne Beibıtşılık keŋesınıŋ jūmysyna atsalysu turaly şeşımın qoldady.
