QR Parlamenti Májilisiniń depýtaty Qazybek Isa memlekettik tildi bilmeıtin “SK Farmaııa” JShS basqarma tóraǵasy Erhat Esqalıevty synǵa alyp, óziniń feısbýk paraqshasynda jazba qaldyrdy. Bul týraly "Adyrna" ulttyq portaly jazady.
"QR Prezıdenti Q.Toqaevtyń nazaryna! Búginde 70 paıyzdan asatyn qazaqtardyń memlekettik tildegi aqparat alý quqyn shekteýge, tildik dıskrımınaııa jasaýǵa kim ruqsat berdi? QR Prezıdenti janyndaǵy Ortalyq Kommýnıkaııalar Qyzmetinde Densaýlyq mınıstrliginiń “SK Farmaııa” JShS basqarma tóraǵasy Erhat Esqalıev óziniń alyp otyrǵan jalaqysyn qazaqsha aıta almady?! Jep otyrǵan nany - alyp otyrǵan aılyǵyn qazaqsha aıtýǵa saýaty jetpeıtinderden basqa Densaýlyq mınıstrligi “SK Farmaııaǵa” basshy bolatyn adam joq pa, ne masqara bul?! Bul ne degen beısharalyq? Dál qazir, “Osy “SK Farmaııa”basshysy orynyna kimder úmitker bolyp, óte almaı qalyp edi, ishterińde memlekettik tildi biletinderiń bar ma?” -dep feısbýkte suraý salsaq, birneshe úmitkerdiń shyǵatyny anyq. Sonda olardyń ishinen ádeıi Qazaqstannyń Memlekettik tilin bilmeıtin, tek Reseıdiń memlekettik tilinde sóıleıtin Erhat Esqalıevke tańdap alý ne úshin kerek boldy? Qazaq Eliniń memlekettik tilin - memleket quraýshy negizgi ulttyń tiliniń konstıtýııalyq, zańdyq quqyn taptaý, dıskrımınaııaǵa ushyratý - bıliktiń negizgi saıasaty ma?! Qaıda Ádiletti, Jańa Qazaqstan?!", - dep jazdy Qazybek Isa.
Depýtattyń aıtýynsha, “SK Farmaııa” JShS basqarma tóraǵasy Erhat Esqalıevke Reseıdiń bir gýbernııasynda otyrǵandaı kúı tanytady.
"Memlekettik qyzmet agenttigi daıyndaǵan memlekettik qyzmetkerlerden talap etetin QazTEST synaǵynda Qazaq tiliniń baly - 0! Sen jaýap berseń de, bermeseń de, Qazaq tilinen 0 (nól) degen baǵa alasyń? Biz kezinde bul máseleni óz basynan ótkizgen zańger, til kúreskeri Jasulan Isanyń málimeti boıynsha “Qazaq tiliniń deńgeıi -0”degen maqala jazǵanbyz? Qazaq tili - mazaq tili me sonda, Aqordadaǵy, Úkimettegi myrzalar!? Osydan eki jyl buryn dál osy Densaýlyq mınıstrligi Bas sanıtary qazaqsha suraqqa jaýap bere almaǵanda kúıingennen “BAS SANITARDYŃ RESEI TILINDEGI SÓZIN MINISTR AÝDARYP BERE ME?”-dep jazyp edik. Taǵy da qaıtalap aıtamyz! Búginde 70 paıyzdan asatyn qazaqtardyń memlekettik tildegi aqparat alý quqyn shekteýge, tildik dıskrımınaııa jasaýǵa kim ruqsat berdi? Birden aıtaıyq, brıfıng Qazaq Elinde emes, Reseıde ótip jatqandaı boldy. Óıtkeni memlekettik tildi jıyp qoıyp, tek orys tilinde aqparat berýshi “SK Farmaııa” JShS basqarma tóraǵasy Erhat Esqalıevke qarasańyz, Táýelsiz Qazaqstannyń astanasynda emes, Reseıdiń bir gýbernııasynda otyrǵandaı... erkin otyrdy...", - deıdi Qazybek Isa.
Qazybek Isa memlekettik tildi bilmeıtin Erhat Esqalıev memlekettik qyzmetke qalaısha basshy bolyp otqanyna toqtaldy.
"Jýrnalıstiń “qazaqsha jaýap berińiz?”-degenine de qaramaı oryssha zýlap barady. Tek jýrnalıst memleketshildik prınıpshildikpen “Men sizge qazaqsha suraq qoıdym, qazaqsha jaýap berińiz”-degende baryp, tutyldy… Qazaqstannyń “SK Farmaııa” JShS basqarma tóraǵasy Erhat Esqalıevke Memlekettik tildi, ıaǵnı Konstıtýııa men Til týraly zańdy attap-taptap ótýge kim ruqsat berdi?! Qazaqstanǵa 30 jyldyń ishinde kóship kelgen, búginde 2 mıllıonǵa jýyqtap qalǵan qandastarymyzdyń jáne Táýelsizdik alǵaly 30 jylda qalyptasqandaı, orys tilin bilýdi qajet sanamaıtyn aýyldaǵy qazaqtardy qosqanda, 10 mıllıonnan asatyn azamattardy aıtpaǵanda, búginde jalpy 70 paıyzdan asatyn qazaqtardyń memlekettik tildegi aqparat alý quqyn shekteýge kim ruqsat berdi? Prezıdent janyndaǵy Ortalyq Kommýnıkaııalar qyzmetinde brıfıng ótkizýshilerge belgili bir zańdy talaptar bolmaı ma? Qytaı nemese shúrshit tilinde de ótkize berýge bola ma? Eger Erhat Esqalıev MEMLEKETTIK TILDI BILMESE, MEMLEKETTIK QYZMETKE BASShY ETIP ONY KIM TAǴAIYNDADY? Ony jaýapty laýazymdy memlekettik qyzmetke qoıyp otyrǵanda odan Memlekettik tildi bilý Prezıdent Ákimshiliginde, Úkimette, Memlekettik qyzmet agenttiginde jáne Densaýlyq mınıstrliginde talap etilmegen be? Densaýlyq saqtaý mınıstrligi Qazaqstan zańdaryn saqtaýdy jıyp qoıǵan ba? Álde mundaı talap bizdiń Táýelsiz Qazaqstanda 30 jyldan beri áli joq pa?!", - deıdi depýtat.
Depýtat Memlekettik tildi taptap úırengen "quldyq vırýstyń" joıylýyn talap etti.
"Endeshe, Memlekettik tilge mıy jetpeıtinderdi, tek Reseı tilin bilse jetkilikti dep sanap, qyzmetke ala beretin bolsa, Densaýlyq saqtaý mınıstri Ajar Ǵınaıat nemese osyndaı qalyń eldiń jaýapkershiligin júktegen laýazymdy qyzmetke memlekettik tildi bilmeıtin adamdy tańdap alǵyzǵan Úkimet tóraǵasy men Prezıdent ákimshiligi basshylary brıfıngke kelip, E.Esqalıevtiń sózin Memlekettik tilge aýdaryp berip otyrsyn. Elimizdegi 70 paıyzdan astam Qazaqstan azamattary osyny talap etedi! Óıtkeni, tótenshe jaǵdaı týdyrǵan jaman indet, koronavırýs te ketedi, al Táýelsiz Qazaqstan bıligindegi, Memlekettik qyzmettegi Memlekettik tildi taptap úırengen quldyq vırýs otyz jyldan beri joıylmaı keledi! Endi osy eldiń qan qysymyn kóterip kele jatqan "quldyq vırýs" tótenshe jaǵdaı týdyrmaýyn oılaý kerek! Bizdiń bárin umytyp ketýge daıar bılikke keshe Qańtar qasiretinde kóshege shyqqandardyń 100 paıyz qazaqtar ekenin eske salamyz", - deıdi ol.
"Adyrna" ulttyq portaly
