Moŋǧoliia astanasy Ūlanbatyr qalasynda ötıp jatqan World Boxing aiasyndaǧy 2026 jylǧy Aziia chempionatynyŋ finalynda el qūramasynan Orazbek Asylqūlov (60 kelı) synǧa tüstı, dep habarlaidy "Adyrna".
Orazbek alǧaşqy minuttan qarsylasyna qysym jasap, soŋǧy raundta jeŋıstı jūlyp aldy. Qorytyndy esep – 3:2.
Būǧan deiın qazaqstandyq boksşy ırıkteu kezeŋınde filippindık Pol Djulifer Baskondy jeŋıse, şirek finalda japoniialyq Şunsuke Kitamoto bas tartuyna bailanysty jarystyŋ kelesı satysyna öttı. Jartylai finalda ol özbekstandyq Abdurahmon Mahmudjonovty qapy qaldyryp kettı.
Orazbek Asylqūlov IBA nūsqasy boiynşa 2025 jyly älem chempiony ataǧyn jeŋıp aldy.
Endı el qūramasynan 5-jūpta Törehan Sabyrhan (70 kelı) iordaniialyq Zeiad İşaiş, 6-jūpta Sabyrjan Aqqalyqov (75 kelı) özbekstandyq Javohir Abdurahimov, 8-jūpta Nūrbek Oralbai (85 kelı) özbekstandyq Jasurbek Iýldoşevpen şarşy alaŋǧa şyǧady. Sondai-aq 10-jūpta Aibek Oralbai (90 kelıden joǧary) qytailyq Danabek Baikenjemen kezdesedı.
Aita ketsek, 9 säuırde elımızdıŋ äielder qūramasy qūrlyqtyq dodada 2 altyn, 1 kümıs, 2 qola jüldege qol jetkızdı.
