IIM Ūlttyq ūlany äskeri bölımderge jasandy intellekt jüiesın engıze bastady, dep habarlaidy «Adyrna» tılşısı.
«Prezidenttıŋ sifrlandyrudy damytu jönındegı tapsyrmasy aiasynda Ūlttyq ūlannyŋ 5573 äskeri bölımınde jasandy intellektke negızdelgen zamanaui beinebaqylau jüiesı synaqtan ötıp jatyr. Jüie qoldanystaǧy kameralarǧa qosylyp, beineaǧyndy täulık boiy üzdıksız taldaidy»,-delıngen ministrlık habarlamasynda.
IIM mälımetınşe, onyŋ basty erekşelıgı – sarbazdardyŋ kündelıktı jürıs-tūrysyn, mınez-qūlqyn jäne emosiialyq jaǧdaiyn saralauynda. Iаǧni, jüie tek beinenı tırkep qana qoimai, sarbaz boiyndaǧy özgerısterdı de anyqtap, mınez-qūlyqtaǧy kümändı belgılerge taldau jasaidy.
«Eger sarbazdardyŋ äreketınen agressiia baiqalsa, jasandy intellektke negızdelgen jüie bölım komandirlerıne, tärbieşıler men psihologtarǧa messendjer arqyly signal jıberedı. Būl der kezınde äreket etuge mümkındık beredı»,-dedı Ūlttyq ūlannyŋ resmi ökılı Älıbek Abdilov.
Sonymen qatar beinematerialdar arnaiy platformada saqtalady.
Aita keteiık, eger jüie tiımdılıgın däleldese, ony basqa äskeri bölımderge de engızu josparlanyp otyr.
