Qaraǧandy oblysynda jasandy intellekt tehnologiialary joldardaǧy aqaulardy anyqtauǧa, kölık keptelısın azaituǧa jäne qyzmet körsetu salasynda tiımdılıktı arttyruǧa kömektesude. Būl turaly oblys äkımı Ermaǧanbet Bölekpaev Prezident janyndaǧy Ortalyq kommunikasiialar qyzmetınde ötken brifingte aitty.
– Bızdıŋ öŋır IT salasyndaǧy bazasy myqty jäne būl baǧytta naqty nätijeler körsetıp keledı. JoLScan atty pilottyq joba ıske qosyldy. Ol jedel järdem kölıkterınıŋ kameralarynan alynǧan derekter arqyly jol jabynyndaǧy aqaulardy anyqtauǧa mümkındık beredı. Sonymen qatar, «Iаndeks» kompaniiasymen bırlesıp «aqyldy baǧdarşamdar» jüiesın engızdık – jürgızuşılerge baǧdarşamnyŋ auysu uaqyty turaly aqparat naqty uaqyt rejimınde berıledı. Al aqyldy avtotūraq jüiesı beinebaqylau men jasandy intellekttı bırıktırıp, bos oryndardy onlain körsetedı, – dedı aimaq basşysy.
Äkım bır startapty mysal retınde keltırdı. Joba 200 myŋ AQŞ dollary kölemınde investisiia tartqan. Ol dämhanalar men meiramhanalarǧa arnalǧan avtomattandyrylǧan baqylau jüiesın ūsynady, būl qyzmet sapasyn arttyruǧa, qyzmetkerlerdı yntalandyruǧa jäne ortaşa chek kölemın ūlǧaituǧa mümkındık beredı.
Ermaǧanbet Bölekpaevtyŋ aituynşa, öŋırde IT-kompaniialardan tüsetın salyq kölemı jyl saiyn 35 paiyzǧa ösıp keledı.
