Foto: advantour
2025 jyldyŋ qorytyndysy boiynşa elımızde 588 bazar jūmys ısteidı, 2024 jylǧa qaraǧanda bazar sany 38-ge azaiǧan. Būl turaly Ūlttyq statistika biurosy mälımdedı, dep habarlaidy “Adyrna”.
Aqparatqa säikes, bazarlardyŋ basym bölıgı qalalyq jerlerde ornalasqan (417), auyldyq jerlerde - 171 bazar.
Bazar sany boiynşa tızım basynda Türkıstan oblysy tūr - 103, odan keiın Almaty oblysy - 57 men Aqtöbe oblysy - 53. Sauda bazary Ūlytau oblysynda eŋ az - 6 bazar.
Bazardaǧy sauda oryndarynyŋ sany da bır jyl ışınde azaiyp, 147,6 myŋǧa jettı (2024 jyly - 150,8 myŋ).
Öŋırlık bölınıste sauda oryndarynyŋ eŋ köp sany Almaty qalasynda tırkelgen (26,5 myŋ), alǧaşqy üştıkte, sondai-aq, Jambyl (19,8 myŋ) men Almaty oblystary da bar (17,2 myŋ).
Jalpy bazar sanynyŋ ışınde 265 bazar zaŋdy tūlǧalarǧa tiesılı bolsa, 323 bazar dara käsıpkerlerdıŋ ielıgınde.
588 bazardyŋ 9 kommunaldyq, 323 jabyq bazarǧa jatady. Satylatyn tauar türıne qarai 222 bazar mamandandyrylǧan, al 366 - ämbebap.
Sauda kölemı boiynşa 39 bazar köterme, 549 bazar bölşek saudaǧa arnalǧan.
