Shymbulak tau kurortynda äuesqoi şaŋǧyşylar arasynda şaŋǧymen jyldam syrǧanau boiynşa Qazaqstan rekordy tırkeldı. Būl turaly Shymbulak kurortynyŋ kommunikasiia departamentı jazdy, dep habarlaidy «Adyrna» tılşısı.
«Qazaqstan rekordtar kıtaby KİnES-2026 derekterıne säikes, el rekordyn äuesqoi şaŋǧyşy Sergei Apenko ornatty. Onyŋ jyldamdyq körsetkışı – saǧatyna 160,953 km»,-delıngen habarlamada.
Jyldamdyq arnaiy käsıbi ALGE Timing ölşeu jüiesı arqyly anyqtalǧan.
Şaŋǧyşynyŋ aituynşa, būl rekord elımızdegı tau-şaŋǧy klasterın damytuǧa qoldau bıldıretın simvolikalyq qadam bolǧan.
«Ülken jyldamdyqpen syrǧanaudy däl Shymbulak kurortynda ötkızudegı maqsat – bızdıŋ taularymyz ben trassalardyŋ mümkındıgın körsetu. Būl joba būqaralyq sporttyŋ tanymal boluyna jäne Qazaqstannyŋ qysqy turizm ortalyǧy retındegı bedelın nyǧaituǧa yqpal etedı dep ümıttenemın»,– dedı Sergei Apenko.
